سلام ياراعي الوفا معرب الجيل=من ضامر(ن) غلاك بداخل عموقه
محبتن ماتفتهمها الجواهيل=اللي بها الأذهان تقل محروقه
عزيز حيل ولك معزه وتجليل=وغلاك وسط القلب داخل عروقه
يم الجدي وانا عنك يمة سهيل=وعيني على شوفتك دايم شفوقه
جعل سحاب الغيث فوقك هماليل=مزن(ن) شمال عصير لاحت بروقه
يسقي وطنكم يابو جابر مع الليل=بأمر الولي لقح الهبايب تسوقه
يسقي مراتيع امهات المخاليل=لما الشجر يخضر وتثمر عذوقه
وتصبح زهور العشب مثل القناديل=ليا اشرقت شمس الضحى في شروقه
والبل تربع دقها والمجاليل=ويرتاح بال اللي تكلف بنوقه
وكلن بذوده مشتهله منازيل=يرد مقهوره ويصبح يسوقه
وربعه يجونه للسمر والتعاليل=وحلو الغبوق اللي لذيذ(ن) بذوقه
در البكار المترفات المباهيل=مفرودها من العشب خضرن شدوقه
وراع الغنم يسلى من السمن ويكيل=وهرفيها غالي ليا طب سوقه
والبر له رواد يمه مقابيل=وكلن عسى ربه يزين وفوقه
وانا ضميري هاض لك بالتماثيل=لما تبين لك خفايا خفوقه
وصلاة ربي عد مايخط تاويل=على نبي(ن) نزل الوحي فوقه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
يستاهل أبو جابر (مبارك سالم العازمي)
العرض الشجري