قصيده مهداه من الشيخ والشاعر/صلحان بن بدوي الى الشيخ /منور المطيري

بسم الله الرحمن الرحيم
السلام علكم ورحمة الله وبركاته
اخواني أعضاء وزوار موقع الشاعر غازي البراك ا
لمحترمين اقدم لكم هذه القصيده مع- ردها - التي أهداها الشيخ الشاعر/ صلحان بن فلاح بن بدوي – رئيس مركز المرموثه في أبانات
لشاعر / منور بن سالم الميموني المطيري- وزميله عبدالله الرفاع – يقصد زيارتهم له بمركز المرموثه – فأجابو الدعوه وحضرو
رضا لطلبه

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="double,5,gray" type=1 line=0 align=center use=ex num="0,black""]
أبدا بذكر الله عليم الخفـــــــــايا =محيي العظام الهامدات الرميمات
الخالق المعبود جزل العطايــــا =المعتلي من فوق سبع السمـــاوات
رب العباد اللي يغفر الخطايــــا =اليا تاب عبده سامحه بالخطيــات
يأمر بحسنات ٍويدفع منايـــــــــا =ويجازي الظالم بأشد العقوبــــات
مخازنه من كل خير ملايــــــــا =وأوامره تصدراذا راد عجــــلات
ومن بعد ذلك من هواي ورضايا =أهدي لبو سالم جزيل التحيــــا ت
أزفها له من صدوق النوايــــــــا =أعداد ماطل القمر فوق أبانــــــات
وعد النجوم وما مشن المطايــــا = وما غرد القمري بخضرٍ ظليلات
وأعداد مايذبح بوقت الضحايــــا = ومن يرمي الجمره وعد الجمرات
أحلا من الفرحه بغال الدنايـــــا =اليا حضر فجأه بعد قيل له مــــــات
مني لبو سالم حميد السجايـــــــا = هديةٍ مابي وراها مجــــــــــــازات
هديةٍ مابي وراها هدايـــــــــــــا = غير الزياره بالليالي القريبــــــــات
إعجبت بسلوبه وحسن المزايــا = أخلاق سمحه والنوايا سليمــــــات
من لابةٍ تارد حياض المنايــــــا = حمر النواظر كاسبين النفــــــالات
زيارته قصدي وغايه إمنايـــــا = نبي نخلدها اسنين طويـــــــــــلات
تنظم للأرشيف مثل الوصايـــا = وتحيا مع الحيين من بعد الأموات
حيث مزاور من أجل الهدايــــا = بين الرجال أهل الشيم والمروات
لعل أبو سالم يحقق منايــــــــــا = يقول لي تمت بليا مــــــــــراوات
أيضا ولاننسى بعيد الهقايــــــــا = عبد الله الرفاع راعي الجميلات
رجل الوفا مابه علوم وحكايــا = ميزان حق اليا مشى بالمهمــــات
وليا حصل تعقيد بعض القضايا = يحلها بأسلوبه المستحبـــــــــات
مايشجع المخطي كثير اللوايـــا = إلا بتهدية الغضب والمســـاوات
زيارته معكم مناي وهوايـــــــا= الله يحيي الكل من دون خصات
وتمت بذكر الله عليم الخفايــــا = محيي العظام الهامدات الرميمات [/poem]

رد الشاعر / منور بن سالم الميموني المطيري
على قصيدة الشيخ الشاعر/ صلحان بن فلاح بن بدوي

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="double,4,gray" type=1 line=0 align=center use=ex num="0,black""]
أبدا بذكر الله بديع البرايــــــــا = الواحد المعبود رب البريـــــــــــــات
خالق جميع الكون باد البدايـــا = بأمره يكون العبد عدل المقــــــولات
المعطي المانع بليا وصايــــــا =مجري سفينة نوح في وصت غــبات
منزل القران عدل القضايـــــا = وناسخ ملل أهل البدع والضــــــلالات
يالله ياكاسي عظام عرايــــــــا = يامخفف ثقل الهموم القويــــــــــــــات
خفف حمول المستحين الطوايا= أهل الشيم والجاه واهل الجمــــــالات
ومن بعد ذلك من صميم الحنايا = أهلا هلا باللي لنا يرسل أبيـــــــــــات
يامرحبا ببيوت جني نصايــــــا = جتني نصايا من زبون المهمـــــــــات
من عند أبو مصيلح كريم السجايا = صلحان مايخفى عطيب الضريبات
يامرحبا باللي يسوق الهدايــــــا = ترحيبةٍ تثنى ملاييـــــــــــن مـــــرات
اعدا مايجري على الارض مايا = واعداد مايلهج ملبي عرفــــــــــــات
وماطافو الكعبه طوايف حفايــا = وما داج بالمسعى من الناس زفـــات
واعداد من صلى وساق العطايا = وصام رمضان وتابعه بالعبـــــادات
وماسال وادي وعاليات الشغايا = وماتنبت التربه بذور النباتــــــــــــات
باللي يبا منا نزوره سوايـــــــــا = في منزله عجل بالليالي القريبـــــــات
واقول حاضر بالزياره ترايــــا = واصلك ياصلحان مابه روايـــــــــات
وحنا على رد الجمايل ظمايـــا= حاضر بحاضر والتماهن رزايــــــات
وزيارتك حق علينا رضايــــــا = ناصلك لو دونك بعيد المسافــــــــــات
قصدي وفا بالوعد ماهي دعايا = وحيث الزياره من عظيم المحبـــــــات
يامورد الهياب حوض المنايـــا = اللي كلحن أنيابهن ورجاء فــــــــــــات
من لابة ٍ سقم المعادي طنايــــا =اللي طوحن البيض من خلف الأصوات
ثم زغردن باصواتهن والنخايا = يردون حوض الموت عجلين صفـــات
وتمت بذكر الله بديع البرايــــــا = الواحد المـــــعبود رب البريـــــــــــات
وصلوا على محمد شفيع العرايا = اللي بعث بـالحق شـــافع لمن مـــــات [/poem]

صح لسان الشيخ الشاعر/ صلحان بن فلاح بن بدوي
و الشاعر / منور بن سالم الميموني المطيري
وبيض الله وجهك يالهلالي على النقل
وسمحلي بتنسيق القصيدتين
تقبل مروري

صح لسان الشيخ الشاعر/ صلحان بن فلاح بن بدوي
و الشاعر / منور بن سالم الميموني المطيري
وبيض الله وجهك يالهلالي على النقل

تقبل تحياتييييييييييييييييي

اخي ثويمر العجوني بيض الله وجهك على تنسيقك للقصيدتين
واشكرك جزيل ااااااالشكر على ردك المشرف يابن عجوين
والشكر موصوووووووول لصاحب الموقع غازي ااالبراك
والشيخ الشاعر(صلحان بن بدوي غني عن اااالتعريف)
قصيدته جزله---والشاعر منور المطيري شاعر ويستاهل