في ذمتي ان كان للمرجله راس=انك على راس المراجل تساويت

قصيد مهداه للشيخ محمد بن دخيل البديوي المظيبري

جاك القصيد مدونه فوق قرطاس=موثقه والبيت يكت وراى البيت
شعرن جديد وتكت به كل الاحساس=ينصب شعري فوق انا ماتمنيت
شعرن جديد وتدفعه ريح نسناس= يم الرجال الطيبين الزناتيت
الطيب يامحمد بالا حدود وقياس=اصبحت به يامنبع الطيب وامسيت
في ذمتي ان كان للمرجله راس= انك على راس المراجل تساويت
مراجل (ن) ماهي جديده على ساس=ساسن تدرج من هل العز والصيت
اقولها باللي كسب كل نوماس=شيخ (ن) الى منك للابطال عديت
اسمه ظهر بالرقم الاول من الناس=وبسم البديوي يامحمد تعزويت
بالطيب وافي للبطولات نبراس=في كل قمه للمراجل تعليت
فيك الكرم والطيب مع قوت الباس=بسوق المراجل يالبناخي تمشيت
شجاع ساطي للمهمات مقباس=من الجد الاول تكسب العز والصيت
من طيب ذاتك عندك الربع جلاس=بجمل عبارات التراحيب حييت
مادكبك عن منهج الطيب هوجاس=عن كل هقوه يالبديوي تعديت

******** type="text/**********">doPoem(0)***********