يالذة الرووووح

~][ مـــدخــــل ][~




أدري وتدري بالليالي المدابير *** وتدري عن الموضوع ويش احتماله


رابع سنه مخلفت رجلي عن السير *** ابادل المعروف طيب وجزاله


ونـا معك وافي مثل سالم الزيـر *** على الوعد لو هو بعـز الثمـالـه


يعني بسوق الرجل من دون تقصير *** وآقف معك وقفة رجال الشكاله


لنك كفوو والكفو يستاهل الخيـر *** نعطيه فوق اللي يحس بخياله

الســلام عليكم ورحمة الله وبركاتــه ..
مشاركتي لديكم بهذه القصيدة البسيطة .. المداخل والمخارج من كتاباتي لكن حاولت اقدم لكم شيء جديد تقبلوا مني فائق الإحترام ..



لو إنـي ابكـي منته بسامع بكاي *** ولو اني احكي منته بفاهم البوح


لكن على جنب الشقى حط مركاي *** وابا اتوسل بالشقى يمكن يروح


والله لو بك ربع مايسكن احشاي *** لتصير طول العمر يالترف مجروح


ياكثر ما اتحمل وياكثرها امناي *** من ضمنها ودي لك الصدر مشروح


إفهم دخيلك ويش قصدي ومعناي *** كل القصايد فيك يالذة الروح


كانك تبي اكثر ترى يمك خطاي *** ماودها ليـّـا بشر غيرك تروح


بالمختصر أنـتـي سبايب لسـلواي *** وبعدك يـعـّـل القـلب ويفتح جروح



~][ وسـلامتـكـم ][~

~][ مخـــــــــرج ][~


قولو لهل ذيك المساكن والديار *** مانسيـنا الـود لو حنـا بعيـد


لـو تغير دارنـا والوقـت جـار *** غيركم ماسار في دم الوريـد


لظروف أحكام والدنيا اعتبار *** كان تفهم ياعسى عمرك سعيد


مالنا غير الصـبر والإنتظـار *** مير جعل الصبر في حالي يفيــد

أخوكــم / متعب عبدالله الشعبانـي