سـجـل حـضــوركـ الـيـومـي فـي بـيـت الـشـعـر

يستاهل الصبح وجهك والفرح ثغرك
ما دام ربي رزقك بقرّة عيونك
طفل يفتح بدنيا فرحتك زهرك
ويزف سعد الليال البيض في كونك
كل التهاني يعطر حرفها ذكرك
واحلى القصايد ينور وجهها لونك
والشمع عيد .. وصبح على الزهر فجرك
وقلوب تنبض غلا .. مثلي .. يهنونك
ربك يحبك وزادك بشر في بشرك
واهداك طفل يورق باقي غصونك
ويبدد شجون كل العمر .. وشجونك
الله يطول بعمره وعمرك
والله يصونه لبيت العز .. ويصونك
والله يحفظه .. ويبقى دوم في أمرك
ابن يحقق لك الأحلام بعيونك