(( الرجولــــــــــــــــه )) !!!

اقتباس:
المشاركة الأصلية كتبت بواسطة عبدالله المظهور

.

.
اخواني الأعزاء في هذا الصرح الشاااااامخ
موقع الجميــــــــع
السلام عليكم ورحمة الله وبركاته
اقدم لكم هذه القصيده التي ارجو ان
تجد لها مكاناً لدى ذائقتكم المحترمه.

العمر محدود .. ولا الشعر ماله مدى = قليل من يفهمه .. والي جهل به كثير
والشعر للشاعر الواعي منار .. وهدى = والشعر للشاعر الجاهل مسار(ن) عسير
وترى مشد القصيده مااستقام .. وبدا = الا على صوت هجس(ن) هجرسن لي عصير
وهجوس شعري اليا قلت استقر .. وهدى = تطلع له اشياء .. تثر به بشكل(ن) كبير
وبديت شعري .. وشعري لاي طيب فدى = يستاهلونه هل العليا كبير .. وصغير
والرجل .. هو والعلوم الغانمات احددا = وفي كل فعل(ن) رجولي له مقر .. وسفير
وله عدة اهداف .. واهدافه بعيدة مدى = اهداف .. يرجو وراها انتاج خير(ن) وفير
والذيب لامن نوى شي .. استعد .. وعدى = وياصل مكان العشاء .. لو طال وقت المسير
وكم من تعب .. لاتعبه الرجل .. يذهب سدى = وكم من تعب .. لاتعبه الرجل .. عوّد بخير
ورجل(ن) يشرف..ورجل(ن) من ردى.. في ردى = ورجل(ن) ينومس .. ورجل(ن) بالتعاسه خشير
ورجل(ن) يجي دايم الاول .. وبالمبتداء = ورجل(ن) يحاول .. ولكنه يجي بالاخير
ورجل(ن) تبع شور نفسه لين ظل .. وغدى = ورجل(ن) توفق.. لأنه دايماً يستشير
وايات ناجح .. يجيه من الضعوف احسدا = مير البحر .. مايهمه حسد حفرة غدير
والكل خاسر .. ولا له مصلحه .. ماعدا = الي على سنة الله ورسوله يسير
المسلم الي ضرب درب السنع .. واهتدى = العابد .. الحامد .. المستبصر .. المستنير
وتمت .. وشعري تراه لكل طيب فدى = يستاهلونه هل العليا كبير .. وصغير !!!

******** type="text/**********">doPoem(0)***********

وسلاااااااااااااااااااااااامتكم جميعاً

عليك السلام ياعبد الله بن المظهور ولك الود والتقدير والاحترام
قصيدة جزله اتت من شاعر جزل
ونستقبلها كااستقبال عبد الله ولاقت مكانه مثل مكانتك
عند كل رجال طيب صدقني مهما قلت شهادتي
مجروحه فيك وبقصيدتك
واقول صح الله لسانك مليون دبل
واعتلا شانك هام السحب
وسجل اعجابي
وتقبل مروري المتواضع