رد: ياليت قلبي من سواك يرتاح
اقتباس:
المشاركة الأصلية كتبت بواسطة النمر
صح لسانك اخوي صالح منصور
وبيض الله وجهك وعندي ملاحظه بسيطه
على هالشطرين الموضحات ادناه من القصيده يجوزان يكون
اخطاء املائيه
1منيتني كذبه واحطيت لي اجنـاح
2اقول وش رايـك ننهـي العلاقـه
ارجومنك اعادة النظر في الشطرين المشار إليهن
وتقبل تحياتي اخوك النمر
|
صح ابدانك
وبيض الله وجهك يالنمران واكثر الله من امثالك
اخي العزيز
مما يسعدني وزيد سروري ان تنقد قصائدي مثل هذا
النقد البناء لان هذا يشعرني بأهتمامكم الذي هو بنهايه
غاية مرامي لان مايهمني هو ان يجد مايحوز علي رضاكم والحمد لله الخير واجد والافكار اكثر
وكذلك هناك اشياء اريد ان اوصلها لكم يشكلها الصحيح ولكن كتابة الانترنت تحول دون ذلك فلا يكون يالدي حيله الا ان يسأل احد عن بيت اشتبه في صحته من ناحية الوزن او الفكره او حتي كلمه لم يفهمها
لانكم وكما تعلمون سماع القصيده من لسان شاعرها
افضل بكثير من قرائتها لاسيما اذا كانت مفرداتها
من العصر الحجري هههههههههه كذلك جل من لايسهو نعم بالفعل انا كثير الاخطاء الاملائيه وكثيرا مايقال عني اني اكسر البيت بسبب تلك الاخطاء
وعلي قول المثل الي مايعرفك مايثمنك
وبنهايه اخوكم صالح المنصور يرحب بالنقد
ويتمنا منكم دائما التعليق علي قصائده
هذا ودمتم بخير
ياليت قلبي من سوياك يرتاح = يازين والا تنتهي هالعلاقه
اشغلتني مابين جيه ومرواح = واوثق هواك القلب واحكم وثاقه
منيتني كذبه وحطيت لي اجناح = لين السما فتق لجنحي رواقه
كيف الكواكب جاملتني بالافراح = وشلون جاريت الهوا واصطفاك
اثرك معلقني علي حبل مرجاح = ياليت منهو تاصل القاع ساقه
ليتك تثبتني علي الارض برماح = والا تسلمني زمام العشاقه
همس الغلا ياقرة العين طراح = في قلب من سقوا نباته وذاقه
طال الهوا غصنك ولا زلت شحاح = واسمع صدا صوتك وشوقك شفاقه
مدري وش الي يجبرك كل مصباح = انك تناجيني بذوق ولباقه
حيرتني والغيب مافيه مفتاح = ولا بجدار الغيب يازين طاقه
وان كان مال الهجر ياشوق مذباح = اقول وش رايك ننهي العلاقه
منيتني + املتني علي وزن =ناديتني
فتق+ بتشديد التاء علي وزن = يربح وهي من فتق رواق بيت الشعر (الخيمه)
سقوا + من يسقي علي وزن = شلوا
طاقه + شباك
ننهي +اخي الكريم مالقيت لها كلمه بديله افضل منها
الا ان اقول :
انهي العلاقه + بتشديد الهاء علي وزن = نجدد او تنهي بالتشديد الهاء
آخر تعديل صالح المنصور يوم 08-31-2009 في 04:08 AM.
|
حاصل على ترخيص من وزارة الثقافه والاعلام السعودي
العرض الشجري