(( نقـــش الـــــــغرام )) ...

بدون مقدمات

الله يسامـح نظـرةً مـن عيونـك=خلت بقلبي لـك شخابيـط وخطـوط
نظره ومعهـا دمعـةً مـن جفونـك=سالت على خدك بها الكحل مخلـوط
من نظرتك من حشمتك من جنونـك=درستني بالحـب وأعطيتنـي نـوط
ومن شاف حالي قال يا الله عونـك=يشك في وضعي وأنا إنسان مضبوط
ما يدري إني دائمـاً مـع شجونـك=دائم مع الهوجـاس والهـم مضغوط
وطيفك يبكينـي بضحكـة سنونـك=لا مر طيفك صار للشعـر صاعـوط
وان كنت أنا شاعر ترى من فنونـك=زينك بشعري له مواثيـق وشـروط
( نقش الغرام) أصبح بقايا طعونـك=يكبر مـع الأيـام بالعمـر مغبوط
حلمي أعيش العمر داخل غصونـك=وقطف ثمار الورد من جـال ناقـوط
وهدي لك ازهاراً لها نفـس لونـك=واعطيك ماتطلب هديه ومصفـوط
لكـن ؟ فمـان الله ربـي يصونـك=حلمي تحول من سعاده إلـى قنـوط
فرحت حياتي ماتت . العـام دونـك=حاولت فيها وانتهت .. وأنتها الشوط
واليوم شأني غير عن وضع شؤونك=وهذا قدر في عالم الغيـب مخطـوط
ومادمت أنت بخيـر لا يضايقونـك=أعرف تراني لـو تنحيـت مبسـوط
من عاشرك في ذمتي مـا يخونـك=الله يهني واحداً فيك مربـوط

******** type="text/**********">doPoem(0)***********

الشاعر /المعــتــــاد

صح لسانك يالشاعرنا القدير المعتاد
وبيض الله وجهك على هالقصيده
الجزله الغير مستغربه من شاعر
مثلك وشرواك لاتحرمنا من جديدك
تقبل تحياتي الخاصه

ثويمر العجوني
انت رمز وفاء واخلاص ..
ومكسب كبير ,,وشهادتي فيك مجروحه ..
شكرا جزيلا لك على تنسيق القصيده وتحريرها بالشكل المطلوب وعلى ردك الجميل ..وفقك الله اينما كنت ..

اخي الشاعر المعتاد صح لسانك على القصيدة الجزله
والتي تدل على شاعريتك المعتاده على الجزل
تقبل مروررررررري ولاتحرمنا من الجديد

روعه القصيده تحياتي المووج الازرق

صح لسانك يالشاعرنا القدير المعتاد
وبيض الله وجهك على هالقصيده
الجزله الغير مستغربه من شاعر
مثلك وشرواك لاتحرمنا من جديدك
تقبل تحياتي الخاصه