اعزائي اعضاء هذا الصرح وزواره اسعد جميع أوقاتكم بكم خير
يطيب لي أن ضع بين ايدكم هذه المشاركةقصيدة قلتها بمناسبة
زواج أبن أخي الشاب/ خالد عقيل وأبن عمي الشاب / ملفي معيبد
بمنطقة حائل 8/8 /1430 آمل أن تنال أعجابكم
[poem=font="arial,6,white,bold,normal" bkcolor="transparent" bkimage="backgrounds/21.gif" border="solid,9,crimson" type=1 line=1 align=center use=sp num="0,black""]
لاهل الوفاء مبدا وللشعر ميعاد=واليوم جاء وقته ولابه معاذير
من أمس أنا والشعر في هوش وجهاد = بالصدري دقه مثل دق المسامير
أرقى مع الجزلات في روس الاشهاد=واقول للهزلات ردن محادير
شاعر واقول الشعر جزله وينقاد=ورصف بيوته مثل رصف الطوابير
اصخره واحضره طوع وعناد=وتجي بيوته بين ورد ومصادير
قطفت من ماطاب للفكر واعتاد=نوادر مثل الحرار المشاهير
باسم الرجال أهل الوفاء ضد الاضداد=ذخري لياعدو رجال المذاخير
وقفت أقدم لي هدية من الكاد=والكاد يهدى لرجال المناعير
يامرحبا ترحيبة عد وعداد=عدالمطر واعداد نبت النواوير
واعداد برق لاح وعداد رعاد=من صادق خيال المزون المزابير
باهل البلد واللي تعنى من بلاد=ترحيب احلا من حليب المصاغير
بحضوركم ياهل الوفاء واهل الامجاد=افراحنا تكمل بكم يالمناعير
في ليلة بافراحها جوها ساد=عنها ماياتي دون شعري معاذير
وباسم الرجال اللي يضدون الاضداد=ذخري لياعدوا رجال المذاخير
وقفت اقدم لي هديه من الكاد=والكاد يهدى للرجال المناعير [/poem]
ابو عبيد
حاصل على ترخيص من وزارة الثقافه والاعلام السعودي
رد: من امس أنا والشعر في هوش وجهاد
العرض المتطور
