جميل المثايل هيضـت شاعـرن مابـات
عليـه الهمـوم بتالـي الليـل ملتمـه
يحاتي هموم الوقت والضيـق ولوعـات
ويحده زمانـه يـم مـن لايبـي يمـه
رماه الزمـان بغبتـن مالهـا قاعـات
بحورن تلاطم ماهـي عـدن ولاجمـه
مقاديـر ولاقـدار ماتـرد بالحيـلات
وعوضها من الله فارض الوضو ويلمـه
لو نه ماغيرامواصل الضيـق ولونـات
ونهاره نكـد والنـوم يخطيـه ويخمـه
غدتله همومه والعنى والسهـر عـادات
تقل خاله الهاجوس والضيق بـن عمـه
تذكر زمانن فـات ويامـه الحلـوات
وليال(ن)بها كان متربع علـى القمـه
وقفنابها في حزت الضيـق والشـدات
وكم واحدن منا انفرج ضيقـه وهمـه
وذقنابها حلـو الليالـي مـع المـرات
وطحنابها في موقف(ن)حـرج ومطمـه
تبين به اهل الطيب والصدق والفزعات
وتبين به اللي يجري الخبـث مـع دمـه
تجارب ورحات كنها بالعمـر ماجـات
فرجها كريمن يعلـم الغيـب والذمـه
وعرفنا رجال(ن)برخا تنطحا الصعبـات
ووقت الشدايد رجلهـم بـارد الهمـه
ورجل(ن)حياته بـس بالهـرج ونمـات
خساره ثمان شهور حملـه بابطـن امـه
تهيض ضمير منك ياكاتـب الجـزلات
ونطحت السحاب اللي فضا المملكه عمه
صح السانك يابو فيصل قصيدة اكثر من رائعه بارك الله لك وشكرك ياشاعر
حاصل على ترخيص من وزارة الثقافه والاعلام السعودي
رد: مقاديـر ولاقـدار ماتـرد بالحيـلات
العرض الشجري