قصيدة مهداه إلى ناموس ( عبس) الشيخ / عبدالله بن ناصر بن قنور
من الهاجس اللي لاقدح وحضٌر الهاجوس=على مدحة الزيزوم يسري ويسريبه
سلامي سلاماً فيه حس الوفاء ملموس=على الوافي اللي كل عبسي يماريبه
ياعبدالله أبن ناصر العز والناموس=تشرف قبيلة عبس والطيب تحريبه
فعولك فعول تعتبر بالسنين ادروس=هذا علم ورجال المواجيب تدريبه
حفيد الكرم والطيب يوم الزمن منحوس=قبل لاترفرف راية العز والهيبه
شيوخاً عليها القول ماهي شيوخ فلوس=شيوخاً رقت بالطيب بأعلى مراقيبه
وفعلك يابن قنور باين ماهو مدسوس=تغني به الركبان والكل يدريبه
ياراساً نماري فيه لابان رز الروس=شموخك شموخ العز والطيب والهيبه
وباقول كان الطيب له مرجع وقاموس=تراكم قواميس الفخر يامعازيبه
مبروك بن عبيد بن عجوين
حاصل على ترخيص من وزارة الثقافه والاعلام السعودي
قصيدة مهداه لناموس عبس الشيخ عبدالله بن ناصر بن قنور
العرض الشجري