قبل رمضان ياشعار

قبل رمضان بليلتين اهني اصحابي جميع = الله يقبل صومكم ياهل الوجيه المفلحه

احدن سكن فوق الرضا واحدن على شوك النقيع = واحدن لياهالحين ماخلص جميع الاسلحه

******** type="text/**********">doPoem(0)***********

صح لسانك ياصقر وبلغك الله شهر رمضان وتقبله منك تسمحلي اتعلم منك بهالطاروق

صح بدنك تفضل ياالزعيم وجزاك الله خير على هالدعوه الطيبه والله لايحرمك منها

احسب حسابك ياصقر قدام لاعمرك يضيع = والله يقبل دعوتك بالساريه والمصبحه

اللي يعيش بجو معتم يطلب الجو البديع = واللي يبى بيت المشاكل كل باب يفتحه

الله الله

ياللي تعاين بالاذاعه لاتعاين بالمذيع = يمكن تجيب البيت ملغوم وتفر المسبحه

ياذيب جر الصوت بالمرقاب وانصى كل ريع = اشوف بك سييمات مسلم صالح الله مصلحه

******** type="text/**********">doPoem(0)***********

مايلتفت يم الوضيعه غير رجال ن وضيع = ماهو مثل من جاب مصحف للنشامى يشرحه

اصبر هداك الله وتلقى الذيب يدرع بالقطيع = والذيب يــنـظر فرصة وحده تـخـدم الـمـصلحه

عزالله انك شاعر علم ومبدع ياصقر وتهيض الهاجس ماهو مثل واحد وجعان هنيه بالموقع لعبت انا وياه وجابله طاروق مريض مثله ولاخلانا نلعب ولانستمتع يحسبني مااعرف ارد عليه ضاع الوقت وهو يتعصر على ابياته واندبلت كبدي من لعبه

هذي الطواريق ولابلاش عاش صقر انا ابلعب معك وابصير بصفك ههههههه

البدو من عقب المحل صارت تبحلق بالربيع = وانت بدوي قلبك معانا والعيون مفتحه

الى متى واللي حصل ياصاحبي شي فضيع = ان ماضربت الدرب ياسبع الخلا لاتبرحه

******** type="text/**********">doPoem(0)***********

اقتباس:
المشاركة الأصلية كتبت بواسطة زعيم الشواعير

عزالله انك شاعر علم ومبدع ياصقر وتهيض الهاجس ماهو مثل واحد وجعان هنيه بالموقع لعبت انا وياه وجابله طاروق مريض مثله ولاخلانا نلعب ولانستمتع يحسبني مااعرف ارد عليه ضاع الوقت وهو يتعصر على ابياته واندبلت كبدي من لعبه

هذي الطواريق ولابلاش عاش صقر انا ابلعب معك وابصير بصفك ههههههه

الله يعز شانك يالزعيم وانت بعد شاعر مبدع ومتمكن وميادين المحاورات فيه الشعار انواع واشكال لكن عسى الله يجملنا معك ومع من يقرا

ليانغزك ابليس في موضوع حذرى لاتطيع = ابليس لوهي جت على كيفه يحطلك اجنحه ههههه

اذكرك في سيرة المختار والطفل الرضيع = يكفيك عن ظهر المحيط اللي تبينا نسبحه