بهب في عااااااالم اطيااافك )مجبور العبسي(

سامح الله من تغلا بعد ما ثبت غرامه
في الذنوب اللي ارتكبها بعد ما سيب غرامي .
. سامحه من هو تعذب ماتهنى في منامه
كل ماتغفى عيونه جاه زاير في المنامي .
. وليت من هو زار خفف ما لحقني باتهامه
جازله في الحلم موتي يدري ماطيق اتهامي .
. وانا لو تكثر ذنوبي في مسى اليل وضلامه
ربي يغفرلي ذنوبي من دعائي في صيامي .
. واهوا عبدٍ من عبيده يسئل الله السلامه
كيف ما يغفر خطيه جبها كثر الهيامي .
. والخطيا الي ارتكبها قلب ميت من خصامه
تدمع العينين منها كل ساعه بنتضامي .
. قالو ان الحب يغفر كل زله ببتسامه
قلت انا قدمت عذري ولاقويت الابتسامي .
. قالو يمكن مايحبك لكن اغواك بكلامه
قلت انا اللي اغويت نفسي لاتزود في ملامي .
. اعشقه لو ما عشقني ولا شملني باهتمامه
واحرسه من شر حاسد داخل عيوني تمامي .
. ياخي لويطلب عيوني جات تركض من امامه
ووقفت مابين يده واهدته كل احترامي .
. ليت يطلب بس يطلب واذبح اللي يوم ضامه
لو بغى موتي حصله جازله ذبح الغلامي .
. اغزي البصره عشانه واحرس حدود المنامه
واطرد الاشرار منها لوتكسربي عظامي .
. بين ضلعيني وصدري بانيه عش اليمامه
وانا والله قبل اشوفه ماعشقتك يالحمامي .
. وعفت كل البيض بعده لو على الخدين شامه
من بغى البن اليماني مابغاله بن شامي .
. لايمي وش عاد تبغى ما على مثلي ملامه
كثر حبه في الخلايا اتجاوز الحد النضامي .
. لايمي مع كل هذا ماتوصل للكرامه
عزتي تسبق شموخي ما اوطي في مقامي .
. لارحل عني وخلاني طريحٍ من سهامه
بحمل جروحي معايه وسط قبري في ضلامي .
. سامحه قلب(ن) تعذب من هواه ومن غرامه
خله يفعل مايريده بعد ماسيب غرامي .