أنـــتـي طــــالـــق ....؟

اقتباس:
المشاركة الأصلية كتبت بواسطة عبدالعزيز القلادي
[align=center]السلام عليكم ورحمة الله وبركاته


اسعد اللـــه اوقــاتـــكم ،،،



للفراق دائما موقف صعب ...؟


اقدم لكم احدى قصائدي المتواضعه على امل ان تنال شيء من الاعجاب .


فـــهــي لـــكــم ،،،






يابـيـوتي اعـلـنـيها وأكتبي لحظـــــــــه فـــراق 000واطلقي عنان القوافي اطلقيها واصهـــلي


واعتقي أسر الصراحه واقطعي حبل الوثـاق 000وحضري كل الادله لمستبـيحـــــــة مقتــــلي


يابـيوتي والله ادري ان صبـري ما يطــــــــاق 000وادري انك يا غناتي من نصيب المبتــــلي


وادري انك مهره تجمح مالكك شاعر معـاق 000وادري فيك تجامليني والا نارك تصطــــــلي


اعـذريني يالقـوافي كان قلبـي له رقـــــــــاق 000وكان لي اغلا الاحبه وأسأليها اسئــــــــــلي


وكان تاج لراس شعري وللخصر احلا نطاق 000وكان لك اشبه ياعمري بالجواهر والحــلي


جيتها شاريها والله واحلم بلحـظة عـنــــــــاق 000جيتها عاني مسافــــه معقبٍ ربعــي وهــلي


جيتها بكل الصراحه احلم بحـلو الـمـــــــــذاق 000قلت عقب الغيبـــــه هذي كل هــــمٍ ينجــلي


العجاج اللي هجدني وخيمتي بلـيـــــــا رواق 000حدر اللي كان غالي عقب ماهو معتـــــــلي


صابني مليون عله والصدر صابه ضـيــــاق 000سبة اللي هم قلبـي آه يـاقلبـــــــه خـــــــــلي


امشي ورجلي تعثر تصطفـق ساقٍ بســـــــاق 000والسبايب دمعي اللي به عيوني تمــــــتلي


من عرفتك صرتي نجمه لك لميع ولك بـراق000 ومهما كان النجم عالي يحول بحكم الــولي


جتني عقب الغيبه هذي ترتجي لحظة وفـاق 000ارحلي لا بارك الله في وجودك ارحـــــــــلي


من هو اللي باع فينا ومن هو اللي فينا باق000 مانست اللي حصل لي كانك انتي تجهـــــلي


اطردي ذاك السراب اللي خذى قلبك وساق000 خطوتك يم المتاهه حتى عـودتـــــــــي إلــي


لا تعد ان القصيده اوشكت حـد الغـــــــــــلاق000 اختمي ابيات المآسي يـاقصيده عجـــــــلي


ليت ياهل العرف ليته بالمحبـه بـه طــــــلاق000 انتي طالق بالثلاثـه مالك حقــــــوقٍ عــلي



وســـلآمـتـكم



أخـوكـم :-


عـبـد الـعـزيـز الـقــلادي . [/align]

نعم وبكل صراحه وصدق ابيات في غاية الروعه والذوق الشعري والمفردات الجميله ..؟
نعم ابداااااااااااااااع
ابدااااااااع بمعني الكلمه
وكل بيت عن قصيده كامله
نعم هكذا الشعر المنفرد بالشجون والاهات
الشاعر الكبير المتواضع بابياته الوافيه
صح لسانك واعتلاء شانك
لك مني الشكر والتقدير
القلادي الثابت