اليوم أبا خذلي مـع البـر مطـراش = وشتـت همومـا تـدالـت علـيـه
كوده يبرد واهجـن حـرق الجـاش = شمـت ذعاذيـع الفجـوج الخليـه
قلبي ليا شاف البلد صابـه اخـراش= عاف النسيـم وشوفـت القصيريـه
وده على خـوة بعيديـن الاطـواش =واشرافـت المرقـاب لا مـال فيـه
وبعد صلاة العصر لا حطـو فـراش =وجيب القـدوع وساقـوا الشاذليـه
في وسط روضن مارعة فيه الادباش= ولاطبتـه غيـر الجـوازي رعيـه
يمطر عليه من امس والبارح ارشاش= هتاف ديـم وشمسـه اليـوم حيـه
وودي مع اهل الطيب مسرا ومغباش= اهـل الوفـاء والجـاه والغايـريـه
رجالهم كنه علـى الطيـب يهتـاش= لا قلـة الحيـلات كـلـه حمـيـه
غير الوفاء والطيب والجود ماحـاش =على الوفـاء لأنـه موصـا وصيـه
يجلس معاك وقلبه ابيض من الشاش= ذاك الخـوي اللـي عزومـه قويـه
والا الردي معروف طبعه مـع الاش =ماحصلـوا غيـر الفشـل والرديـه
اللي على شذب العراقيـب يعتـاش =مافيـه خيـر ونيـتـه شقلبـيـه
يجلس معاك وقلبه اسود وغشـاش= تبـا تعرفـه حيـل بـأول قضيـه
اليا بدالـك لازمـن فيـه ينحـاش= والله لونـك فـي فـلاتـن خلـيـه
اصبر على قرص الحيايا والانعـاش =ولا اصبر على نمت خـوي بخويـه
اضيق وازعل واسهر الليل وانـداش =واقـول ياعالـم تـراهـا خطـيـه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
قصيدة البر
العرض العادي
