اخواني في موقع الجميع اهديكم هذه المتواضعه اشتياقا لقرب طلوع نجم سهيل
يانفسي اللي لشوف البر ولهانه=تحب شوفه خمايله وصحاصيحه
ترتاح من شوف وديانه وضلعانه= لصار تاطا على ماطا مراويحه
ياراكب اللي رقم واحد من اخوانه=يقصر لك الدرب لمن صار تلويحه
فتحه وغاز وجناح وكسر سكانه=ويقفل ويفتح بمدلية مفاتيحه
يشبه هنوفٍ لطق الطبل طربانه=تطق طقاقته يابنت تطبيحه
وقامت وهي بين طربانه وخجلانه=يوم انتثرمتعب السراح تسريحه
هزة نحرها على يادان يادانه=وتفاعل الحفل بالتصفيق والصيحه
يازين مشيه بروضٍ زرق غدرانه= منابت السدر والقيصوم والشيحه
روضٍ تناغم عصافيره وسمانه=من مدلهم الروايح باردٍ ريحه
لبات فيه المولع تبعد احزانه= ليلٍ سهيل اليماني من مصابيحه
ليلٍ هدى والكواكب فيه سهرانه =والبدر نوره يعكسه في صلافيحه
غسل صلافيحه اللي حاز ربانه=اللي يشوق النظر جلده وتجريحه
هوايتي والبشر كلٍ على شانه=الله ربه علم كذبه من اصحيحه
******** type="text/**********">doPoem(0)***********محمد سلمان
حاصل على ترخيص من وزارة الثقافه والاعلام السعودي
سهيل
العرض الشجري