اقتباس:
المشاركة الأصلية كتبت بواسطة ذيب الفيافي 
الله الله محاوره قويه بكل صراحه من الطرفين وماقصروا الشعار لكن انا عندي عدة امور ودي اعلق عليها لوان اخوي المعتبر ماخلى شي كل شي قاله بيض الله وجه
الامر الاول
فيه بيت للشاعر ماعندكم سالفه يقول
لايغرك انه ماتكلم واحد من الحاضرين = الناس تسكت لين تقرع بالصدور افعالها
هذا البيت فيه لغم ماهو واضح ونفس الوقت فيه تكلف
رد صقر مطير على البيت ببيت رائع وهو مالفت نظري وانا اختلف مع اخوي المعتبر اللي قال انه عادي
لكن قبل شي قديكون صقر مانتبه للغم لكن رده كان موفق ورده فتل وليس نقض لكن بوجه عام ياتي فيه نقض
يقول
عزالله اني ماني ببلشانن ببعض المسلمين = بعض العرب مصيبته من فوق راسه شالها
معنى هالبيت باختصار حسب وجهة نظريقول صقر انا ماني بلشان فيك لانك انت جايب مصيبتك معك اللي اقدر اقولها لك وارتاح دون اتعب معك
ببساطه لوجا انسان وانت تعرف عن هالانسان مصيبه فيه فمايحتاج تعاتبه تذكره بمصيبته وتكفيه
بمعني ان صقر مطير يقول ياماعندكم سالفه انا ماني ببلشان معك اقدر اقولك مصيبتك اللي انت جايبها فوق راسك لكن ياترى ماهي المصيبه شنهو اللي يعرفه صقر عن ماعندكم سالفه وهم اول مره يلعبون مع بعض انا اتوقع انه يقصد اسم ماعندكم سالفه
فصقر ببساطه يقول انا اقدر اقولك انك ماعندكم سالفه بناءن على اسمك وانتهى الموضوع هذا اولا
ثانيا فيه بيت وضعه فخ ماعندكم سالفه لصقر وهو سواله عن امر يختص بقبيلة مطير على مااعتقد ووضع فيه لغم ايضا ليتأكد من الشاعر المقابل هل هو مطيري ولالا اللي يقول فيه كانك مطيري ويش معنى المعترض والمطرقين واللغم بالبيت الثاني
ورد صقر انها وسوم واتوقع ان قصده وسوم ابل اوشي
ايضا البيت اللي ذكره المعتبر لماعندكم سالفه وقال انه خطير انا معه ميه بالميه
واريد ان اضيف امر اخر وهورد ماعندكم سالفه بالبدايه وانا من الناس اللي يعجبني الشاعر اللي يعطي قوه للمحاوره من البدايه وهوالشاعر اللي يحاسب حتى بالترحيبه ومن الشعار اللي يتميزون بهالامور سفر الدغيلبي ورشيد الزلامي يحبون الكوي من اول بيت واعطاء نشاط للمحاوره انا اتوقع لوكان شاعر غير ماعندكم سالفه قديمشي الترحيبه وهلا مرحبا ويموت المحاوره قبل ان تبداء
اجمالا المحاوره كانت جميله بين الشاعرين واتمنى ان تتقبلوا كلامي بصدر رحب فهو معرض للصواب وللخطا
وختاما احب ان اوجه رساله واقول
صقر مطير وماعندكم سالفه انا اخاف اقول اسمك تقول انت تسبني هههههههه
شعار رائعين لانرضى بغيبتكم اكثر من ثلاث ايام
ورساله لصقر انت شاعر وكما قال الشاعر غازي البراك الموقع ليس موقع قبلي وانما موقع الجميع فااتمنى ان لاتحرمنا من ابداعاتك وانت بين اخوانك والكلام هذا ائضا لشاعرنا القدير ماعندكم سالفه
تقبلوا تحياتي اخوكم: ذيب الفيافي
شرك يجترك
والله ان الخطير انت
والله اسمي غير لايق عليك يالذيب وألا اخشرتك مع المعبر
حاصل على ترخيص من وزارة الثقافه والاعلام السعودي
رد: نبي لعب ياجماعه
العرض المتطور
