هذي القصيده قالها الشاعر/ ثويمر العجوني الرشيدي
ينصح فيها ابنه / نايف عـن معاشرة من يتشبهون في الغرب
يانايـف احـذر صحبتن مابـها خير = صحبت رداء من كـل شبهه قريبه
احذر تصاحب عالم ِوضعهم غير = اهــل الجـنـوز مـشطـين الــذويـبه
نـاس ِ صداقـتهم حبوب وقـوارير = مامـن وراها الا الرداء والمعيـبه
في مبتداء عمرك وقـدمك مشاوير = لابـد مـاتــواجـه ظروف ِ صعيـبه
خـلـك حــذر قـــدام لأطـيح فـالبـير = دور مــن الاصحاب مـن بان طيبه
في عشرة الطـيب مـعـزه وتـقـدير = وفـي عشـرة الخايب ثمانين خيـبه
افـرح ليا شـفـتك تخـاوي مناعـير = نـاس ِ لـهـم عنـد الرجاجـيل هيـبه
وزعــل ياشفـتك تخاوي معـيـثـير = مرضاء عليك مـن الرجال الغليـبه
تــرى الـعرب تنظروتكـتب تقارير = ومـن يجهل الرجال ينظر صحيـبه
احــذرك والانــت منـدون تـحـذير = ياحـزامـي الـلي بالـلزوم اعتـزيـبه
الشـكر لـله مابـداء مـنـك تـقـصير = علـيك مـالاحـظـت حـاجـه غـريـبه
اقـرالـرسالــه فـي عنـايه وتـدبـير = حتـى تعـرف المخطـيه والمصيـبه
احفط وصات أبوك مدامك صغـير = تـلـقـى نـتـايـجهـا ليـاصرت شيـبه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
قصيدة الشاعر ثويمر العجوني في ابنه نايف
العرض الشجري