محاورة مرزوق الرمالي وثويمر العجوني عاقل الشعار

اقتباس:
المشاركة الأصلية كتبت بواسطة صقر ابن عبس
اقتباس:
المشاركة الأصلية كتبت بواسطة ابوعبيد

هذه المحاورة النارية بين الشاعر مرزوق الرمالي وعاقل الشاعار الشاعر ثويمر العجوني

مرزوق الرمالي

يابني عبس وهل المنتدى الراقي
جيتكم با السيف وبطّيب اخلاقي
والله الستار والـرازق الـواقي
والدروب اثنين ماتقبل الثالث

سلام مني لكم يا طيبيـن الجنـاب
يا تاركين السهل واللي يهاب يهبـا
يا ثويمر الليله الساعة عشر لاتـغاب
اطلع براس الجـبل واللي يهاب يهبا

ثويمرالعجوني

يوم جيت لعبس داخل مضاربها
جــيتك يصـحــــيبنا مانتـغـاربها
كيف جبت السيف والسيف يم ابها
والدروب اثنــــين ماتقــــبل الثالث

يامرحبا والسوال ايجيك بعـــده جواب
والشعر نقض وفتل واللي يهاب يهبا
جيناء يامرزوق في ميــعادكم مانهاب
لكن خــــلك جـــــمل واللي يهاب يهبا

مرزوق الرمالي

انتبه يا ثويمر الليل للسـاري
والذهب معروض للبايع الشاري
والبنوك تحدد حــسابك الجاري
والدروب ثنــين ما نقبل الثالث

حنا بحايل ونبني ناطـحات السحـاب
والقرش غير الهـلل واللي يهاب يهبا
اذا بغيت الخــطا لا تحتمل للصـواب
اكيد ما تحتــمل واللي يهـاب يهبـا

ثويمر العجوني

والله اني منــتبه لاتوصــيني
والكــلام يدور من بيــنك وبيني
كـل شـي ٍ له شـروط وقـوانيني
والــدروب ثنيـن ما نـبل الثالث

اللي لامنه مـشاء بالدرب يحـسب حساب
للـي يريـده وصــل واللي يـهاب يـهبا
من دون درب الخـطاء ينصـك عشرين باب
والعـــلم غير الجـــهل واللي يهاب يهبا

مرزوق الرمالي

ماني موصيك يا الشاعـر الوافـي
واعرف ان الشوك يثر على الحافي
احم ميــقافك وانا دون ميــقافي
والدروب ثنــين ما نقــبل الثالث

ابعد عن السرعه اللي توردك للسراب
وش فيك دايم عجل والي يهاب يهبـا
با الجامعه منتسب واحد وعشر انتساب
والعشر تدبل دبل واللي يهـاب يهبـا

ثويمر العجوني

يالرمــالي ماجــهلناء مواقيـفك
رحت تبغاء السيف ماجـت على كيفك
من كـرزك اكروز ضاعــت سواليفك
والدروب ثنـــين ما نقــبل الثالث

يالشمري ندري ان الصلح غير الخراب
وانا زمــيلي بطل واللي يهـاب يهبا
عـشرة حرارن شقرماتلـتفـت للغراب
لوكان حـام ونزل واللـي يهاب يهبا

مرزوق الرمـالي

اشرب البراد وارجع على الببسـي
خل عنك الحـوس يا الشاعر العبسي
كــمل المشوار يا سايـق التكسي
والدروب ثنيــن ما نقبل الثالث

مدري تعـاند عند والا تعـاتب عتـاب
بين الرضا والزعـل واللي يهاب يهبا
الله يـعديك من جـور الزمـن والعذاب
كـلك عـسل يا عسل واللي يهاب يهبا

ثويمر العجوني

وانت رح لسامري وترك القلطه
لايجيك الظغط وتصيبك الجلطه
كل يوم يسجل بصفحتك غلطه
والدروب ثنين ما نقبل الثالث

عتاب ماني معاتبـها يمـال الرعاب
والشعرجزل وهزل واللي يـهاب يهبا
اللي معك من مــعرفه ماتكمل نصاب
انصابها ماكـــتمل واللي يهاب يهبا

مرزوق الرمالي

انت تهرج هرج ما تحسب حسابه
الغلط يا صاحب العرف وش جابه
في يدك خنصر وبا الوسط سـبابه
والدروب ثنين ما نقــبل الثالث

انا احسبنك معك لا هنت شلفا ذياب
واللي طلع مانزل واللي يهاب يهبـا
ديرتك مدري ربيع اليوم والا شهاب
ربيع والا محل واللي يهـاب يهبـا

ثويمر العجوني

وانت نوب يسار وحيان بيمنها
والعلوم الطيبه من يثـــمنها
مــعك يامرزوق محــد معينها
والدروب ثنين ما نقــبل الثالث

اضحى وجودك يابوممدوح مثل الغياب
وش فيك صابك كــسل واللي يهاب يهبا
تصبح على خير يامرزوق والطرق شاب
واللي حصل لك حصل واللي يهاب يهبا

00000000000000000000000000000
000000000000000000000000000000
00000000000000000000000000000
مداخله من صقر ابن عبس
اولا: المحاوره في مجملها رائعه الى ابعد الحدود

اما بخصوص السيف فأن الشاعرمرزوق يقصد به الشعر لان الشعر يجي مع طيب الاخلاق ولايقصد به التهجم والحرب لانها لاتجي مع حسن الاخلاق
ولكن الشاعر ثويمر قلب المعنى على سيف المعنى وكان يريد من ذلك احراج الشاعر الرمالي ( او بالعاميه يبى يطش وجه الرمالي ) وهذه حقيقه تهجم على الرمالي ولايصلح ان يقولها المعزب لضيوفه 00
قال الشاعر الرمالي
ماني اموصيك الشاعر الوافي
احم ميقافك وانا دون ميقافي
ولكن الشاعر ثويمر شك بكلمة الشاعر الوافي
وتهجم مره اخرى على الرمالي بقوله:
(من كرزك اكروز ضاعت سواليفك)
وكان يقصد بها متعب بن كروز في طاروقه مع الرمالي بشاعر المعنى
والحقيقه تقال لان الرمالي لم يجيد الطاروق الذي بداه ابن كروز
0000000
قول الشاعر الرمالي
بالجامعه منتسب واحد وعشر انتساب
فاني اعتقد ان الرمالي يقصد منتسب واحد هو نفسه وعشر انتساب باقي الشعراء واني منتسب للشعر الحقيقي
0000
ولكن ايضا تهجم المعزب على الضيف بقوله الغراب وكان يقصد بها الرمالي وليست مثل على قول الاخوان
00000
كل يوم يسجل بصفحتك غلطه
غلطة شاعر المعنى وغلطتك معي
قال الرمالي
الغلط يا صاحب العرف وش جابه
0000

0000000
وجهة نظر لا اقل ولا اكثر
وشكرا



شكراً على وجهة نظرك وتحليلك
ياصقر بني عبس
وكلن له وجهة نظر واحترم وجهة نظرك