تعبت من شرح الغلا

تعبت من شرح الغلأ

اتمنى ان تبدو ملاحظاتكم وانتقادكم فهو محل تقديري واهتمامي

عرفت بأنك بالجفـاء ياللأسـف كفـك تجـود=عرفت باني بالوفاء اعطـي ولاتقـدر عطـاي
عرفت من قبل البدايـه ليـش سويتـي حـدود=عرفت لامنـك بديـت انـك تحـاول منتهـاي
عرفت لو اني ضميت من الغلا وانتـي عـدود=عرفت بانك بالغلا شحيـت ماتقطـع ضمـاي
عرفت وش معنى الغلا والتضحيه رغم الحسود=عرفت اشياء والخطاء دايم تقول انـه خطـاي
عرفت لامنـك رحلتـي قلتلـك للقلـب عـود=ارجع وعذب مابقى بس المهـم تبقـى معـاي
كني احفز رغبتك وقول لـك زدنـي صـدود=حتى تموت من الجفاف ارضي وتجفاني سماي
تعبت من شرح الغلا واصبح عدو مثلك لـدود=رغم الصداقه بيننا مثلك غـدى ينكـر هـواي
اعانق الحرمـان والغربـال يـوم انـي اذود=دونك وصادم واقعي لو كنت اخالـف مشتهـاي
اذوب في لحظه لقى وانتي مشاعر من جمـود=ماكنك انسان وتحس بمـا احسـه فـي لقـاي
علمتني بان الغلا ينقـص مثـل ماهـو يـزود=نقصه جفاك وسبته وان زاد من سبـت وفـاي
منك تحوم اشواق قلبي جايعـه مابـه صمـود=تبغى مواريد العطاء واردهـا داخـل حمـاي
كني اعيش الحب يعني من طرف واحد ياكـود=مابه غلا من غير وصل اصلأ بدونه وش غلاي
خلاص برحل وانتهي خلاص ماسمعلـك ردود=خلاص لاتتعب ولا تسرق من الخطـوه وراي

******** type="text/**********">doPoem(0)***********