اوراق من ملف مغلق

يابنت والله لو بغيت اصف وصوفك مستحيل=لكن اباوصفك وصف يقال به لاباس بة


انتي عيونك زرق وخدودك حمر شقرا جديل=وعنقك مثل عنق الغزيل يوم فكه قاضبة


ولا انتي عريض ولانحيف ولاقصير ولاطويل=ولانتي بعد متفرده واجد ولا متقاربة


ابوك قال انه حكاله جدك المستر نويل=يقول جد امك اصوله بالعربه العاربة


يعني خذيتي شي من نوره وشيٍ من نويل= ومن بينهم جيتي لاهو غالب ولاهي غالبة


زبدة كلامي لو يشوفك عاقل القوم الثقيل=هلل وقح وقام يمسح لحيته مع شاربة


ويغضي وينظر فيك نظرة من يدور له دخيل=يبي ملاذٍ يلتجيبه يوم وقته باربة


ولاضنتي تنلام ياراع الجمايل بالجميل=لصار نظره ماتعدى الامور الذاربة


نظره حشى مايقتفيها لامراح ولامقيل=مدام بالصفحه تسجل في سجلك سالبة


سجلك اللي فيه مكتوب الكثير مع القليل=اللي ليامنك قريته مابعده مطالبة


لكن لاتغتر بالغافل وفي مال البخيل=احلام يقضه دمعة الواقع بوجنه شاحبة


وان كنت تجهل سفرة الطرقي تزود بالدليل= ويكفيك عن كل العيون العمي نظره ثاقبة

******** type="text/**********">doPoem(0)***********وسلامتكم
محمد سلمان