بصــــــــــــــري الوضـــــــــيحي

بصري الوضيحي او التايه بصري

بصري الوضيحي شاعر معروف من قبيلة شمر و كان من شعار الغزل و قلبه خضر و لما كبر
و صاروا عياله رجال و كباراخذه و احد منهم يحججه عشان يتوب باخر عمره و يحسن الله خاتمته و هم في ايام الحج خارجين من جهة الموره ناحيه سوق سويقه اللي موجود لهذا اليوم شاف بصري بنت جميله بجمال فائق فوقف يناظرها ونسى مناسك الحج فتجه إليها فقال له ولده فبعض الرويات يقولون انه واجه هذه البنت عند الحجر الاسود بالكعبه وكان يبغى يحب الكعبه ولاكن قبل خد البنت فهذه الروايه اختلف الكثير فمنهم من قال الرواه بعضهم يخلط السالفه للوضيحي وبين سالفة جبر بن سيار اللي اذنب عند الحجر
ولاكن ان كانت الاولى أو الثانيه قام ولد بصري وقال والظاهر كان متجريًا عليه شوي : تعال ياتايه
فقال بصري هذي القصيده:

[poem=font="simplified arabic,6,black,bold,normal" bkcolor="transparent" bkimage="backgrounds/24.gif" border="solid,7,skyblue" type=1 line=0 align=center use=ex num="0,black""]
التايه الي جاب بصري يقنه=هيض جروح العود والعود قاضي
جينا نحج ونطلب الله جنه=جنة نعيم يوم يابس الحاضي
ياليت كانت حبتي في معنه=يوم العيون عن الخوامل غواضي
يامن يعاوني على وصف كنه= اشقح شقاح ولاهق اللون ياضي
ياليت لو سني على وقم سنه = بايام مابيني وبينه بغاضي
يوم ان جلد الذيب عندي محنه= نصبح وزرق الريش لهن إنتفاضي
ياجرح قلبي جرح وادي وطنه=غر المزون اللي وطنه وفاضي
البيض قبلي محسنٍ عذبنه= ونمر على وضحى جرا له عراضي
الا ارتوى بستان قلبي سقنه= واخضر جنابه عقب يبست الحاضي
عزي لمن غر الثنايا كونه = واركن على كبده كوايا عراضي
القلب غضات الصبايا شعنه = بنت الشيوخ مخدمين الحياضي
شوفي بعيني والخدم يركبنه = على زعاع يوم قوطر وناضي
وين انت يامشفي على طردهنه = انا طويت ارشاي وقفيت قاضي
انا صدرت ووردهن عقبنه =على العدود مشرعات الحياضي
حجيت انا للفرض ماهي بسنه = ونكست في عمياي عقب افتراضي
احد بوسط النار واحد بجنه = وترى البخير اللي له الرب راضي[/poem]
وسلامتكم
واتمنى ان اكون وفقت بنقل القصه وتنال على اعجابكــم
م ن