رحت زايـر وشاهت الرسوم القديمه = مـن تغـير معـالمها تـزايد عنايا
مابقـا من معـالمها رواس ٍ امقـيمه = ومـاسوى غيرها جرد ٍ اسهاله خلايا
مختلف شكلها ويضا الموارد عديمه = كن مـا داج ابه سـلفان بدو ورعايا
المـواري تخـوف يـالقلـوب الفهيمه = اصبح الوضع خطر ٍمن جميع النحايا
راحم اهل التراحم والقلوب الرحيمه = مابقـا في ضواح الحي منهم بقايا
العوض صار فيهم ناقلين الـنميمه = عوج الالـسن هل النمه كثار الزرايا
ولاقـارب ضغاينهم مـا صارت سليمه = كل واحد يـقول فلان سـوى سوايا
وكل واحد من الـبغـضا ضربله خريمه = وقام ياصف خويه في خبيث المزايا
كثرو اهـل النمايم والعقول السقـيمه = وقلو اهل المعـرفه طيبين النوايا
وين ابلقـا رفيق ٍ سـيرتـه مسـتقيمه = عايش ٍ مايعيل ولا تجيه الخطايا
عايش ٍ ماسعا بين العرب بالضليمه = مـاشكـاه البعيد ولاشـكته الدنايـا
وشي اعذاركم ياهل النفـوس الأليمه = في نهارن تجون الله حفات ٍ عرايا
والمنافق وعـده الله بحـامي جحيمه = يـوم ينبيه ربه عن جمع الـخفـايا
ارجعوا لتسامح عن دروب الشـتيمه = وطلبو رحمت المعبود جزل العطايا
أيـغفر الذنب يوم ٍ المـواقـف عـظـيـمه = فـي نـهـارن بـهـولـه يابـسن الشفايا
ماذكر في كتاب الله حيات ٍ امديمه = كل مخلـوق لا بده يزور المنـايا
ونحصل سـو فهم ٍ بين خصم وخصيمه =بالتفاهم تحل اشكال كل القضايا
مـاذكر بتناحر والمشــاكـل غنيمه = الغنايم يحصلها حميد السجايا
قلتها نوع ذكرى لـرجـال الحشيمه =عبر الارسال للي يسـتمع في ندايا
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
رحت زاير
العرض الشجري