ياهبوب الشعر هبي من جنـوب ومـن شمالـي = لـي ثـلاث ايـام ضايـق بــال بــالارض الوسيـعـه
خضـي البـحـر العمـيـق ولا تنوشـيـن الجبـالـي= الجـبـل قـاسـي وانــا مـانـي بـقــادر ذب ريـعــه
وسعي بالي مع اهل الطيب وشيـوخ الرجالـي =والعمـر لـو طـال فانـي والبـشـر فـانـن جميـعـه
نـاس اشاورهـا ودور شورهـا فـي كــل حـالـي= ونـاس لــو اطيعـهـا بالـشـور ناطـحـت القطيـعـه
اخــذن كــل الحـيـاه الدروسـهـا مــن ماجـرالـي= الثـمـيـن اشـريــه غــالــي والـرخـيــص ابـيـعــه
عارف(ن)بالـسـوق مخـراجـي قـبـل مدخـالـي= ويعـرف الرجـال مـن هرجـت لسـانـه والطبيـعـه
كـل ماسـج القـدم مــع درب والضيـقـه اقبـالـي= تـقـل انــا محـكـوم لاضيـقـه بقـانـون و شريـعـه
ماشكـيـت الـوقـت يــوم انــه غـبـار ولاصفـالـي= وادري ان الـوقـت مــن ماطاعـلـه لازم يطـيـعـه
هيبـتـي مابيعـهـا لــو انـقـطـع رزقـــي لـحـالـي=ولـو مكـاسـب بيعـهـا بالـسـوق ردتـهـا سريـعـه
قلتها مـن ماحصـل هـذا الشهـر ماهـي خيالـي= وهامتي عليا ورزقـي ماهـو مـن سنـه وشيعـه
وبالله الـلــي يـمـلـك الارواح والـدنـيــا أتـكـالــي= ملهـم الصبـر أهـل المـيـت بسـاعـات الفجيـعـه
و احترم رجل(ن)سعى بالطيب لناس وسعالي= طيـبـآ نفـسـه عـــن الـهـفـوات والـزلــه رفـيـعـه
كــان مـاجـا مـنـه خـيـر وعــز ماعـقـب خـمـالـي =وكل رجل (ن) يبذل المجهود باللـي يستطيعـه
ويــن غـايـب ياطـويـل العـمـر لــك مــدة لـيـالـي=ياعريـب السـاس ياستـر الرفيـق مــن الهزيـعـه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
ياهبوب الشعر هبي من جنـوب ومـن شمالـي
العرض الشجري