بسم الله الرحمن الرحيم
اعزائي اعضاء منتديات الشـاعر غازي البراك الكرام
اقيمت هذه المحاورة الساعه العاشره في تاريخ 24/3/2008
مع اثنان من المع نجوم المحاوره الشباب من ابناء القبيلة المتميزين
وهما النجم الشاعر عبدالعزيز الخياري والنجم الشاعر سعد المحيش
المشاركين في برنامج قلطه الوطن في النسخة الاولى ونتمنى ان تنـــال اعجاب الجميع . . .
عبدالعزيزالخياري
ياسلام الله سلام(ن) ماهو بأيّا سلام
منتدى عبس العريقـه يبثـه لاهلـه
من بغا الطولات مايرعبه عتم الظلام
لو تعدى مرحله باقـي لـه مرحلـه
سعد المحيش
مرحباترحيبة(ن) في رفيعين المقام
باهل الطولات والمعرفه والمرجلـه
ماعليه الفارس الى معه سيف وحزام
والوعد بيني وبيـن الليـال المقبلـه
عبدالعزيز الخياري
البقا ثـم البقـا والله الله والهمـام
افتخر في فعل جدك مادمت تمثله
كل فارس بالملاقا يبا يسل الحسام
الوعد بينه وبين السيوف المصقله
سعدالمحيش
ماتفيدك بضعة(ن) لاتبـاع ولاتسـام
كل واحد حافظ(ن) بالزمن وسم اجمله
دام انا مسلم على نهج من صلا وصام
نيتي حسب اعملي يوم كلـن وعملـه
عبدالعزيز الخياري
رافع(ن) نفسي عن الطامنه في كل عـام
جاك علم اللي سلـوم العـرب ماتجهلـه
أن ذبحت اذبح جمل وان كليت اكل السنام
صاحبك سيف(ن) مايثر بخصمه مانقلـه
سعد المحيش
عز نفسك وطلب الطايله والحظ قـام
واعتبر من سورة الفاتحة والزلزلـة
لاتوصي روس قوم(ن) يفكون الجهام
الخيول مرسنـة والجمـال معقلـه
عبدالعزيزالخياري
عزنا الله من خلقنا من الناس الكرام
وانت تفتي يامشالله وثوبك مسبلـه
بارك الله فيك سر في المطايا للامام
دامك نفسك صافيه والنوايا عادلـه
سعد المحيش
انت لك قيمة وشيمة وحشمة واحترام
ياعسى منته نصيب السهوم المرسله
مير خلك صاحي(ن) فالمواجه لاتنام
اكثر الغفـلات يابودحيـم مشكلـه
عبدالعزيز الخياري
الجبل ماهزه الريح وانغام الحمـام
لو يهز القرد ذيله ما غيّر منزلـه
ياسعد فيما تقوله مانلحقك المـلام
ماخبرنا ورد وسط الفياض الممحله
حاصل على ترخيص من وزارة الثقافه والاعلام السعودي
محاورة مميزة بين الشعراء عبـدالعزيز الخياري & سعد المحيـش
العرض الشجري