وإليكم هذه الرائعه لـ الشاعر/ مجعد الخميلي
دار الهوا فـوق الشجـر بندراجـه=وانا هجوسي تتبعـه كـل مـاراج
القلـب نسمـات العليـل ابتهاجـه=والفكر خلتـه الدواكيـك مسهـاج
فجٍ خلا لاضاق صـدرك علاجـه=يغنيك عن بعض المجالس والازعاج
سحابـة البـارح قفتهـا عجـاجـه=يلعبها صلف الهوا مثـل الامـواج
هبـت هبـوب مدوريـن اللجاجـه=يفرح بزلـة صاحبـه كـل هـراج
من غير سبه عاقـدٍ لـك حجاجـه=لو ان ماله مع هل الطيـب مـدراج
اثر العوج دايـم يحـب العواجـه=لو ينعدل يرجـع لساسـه وينعـاج
مايستوي طعـم القـراح وهماجـه=ولا يستوي نقع الصفا مثـل هـداج
الله ولا منـة محسـب خـراجـه=شين اللغا ومن البطر لابـسٍ تـاج
والله مايذبحـك يـاكـود حـاجـه=لا صار في وجهك حيا وانت محتاج
بالعسر يسـر وللهمـوم انفراجـه =يجيلها من والي العـرش مخـراج
ارفـع يدينـك للسمـا ثـم ناجـه=يظهرك لو دونك شرابيـك وسيـاج
حاصل على ترخيص من وزارة الثقافه والاعلام السعودي
رد: سـجـل حـضــوركـ الـيـومـي فـي بـيـت الـشـعـر
العرض الشجري