عسى السماء تمطر

عسى السماء تمطر ونفرح بالامطار
وتربع الديرة من الغرب للشرق

ديرة هل التاريخ صلفين الاشوار
اخوان نورة محرقين العداء حرق

اللي لهم فينا معزّة و مقدار
حمّاية البيتين من راعي الدرق

والسيل من قبلة إلى الشام مدرار
ويْصير لبلادي بَعَد مامحلت فرق

وينبت جميع العشب وتْفتّح ازهار
ويغرد البلبل عقب نايح الورق

والليل تحلا به معك شبة النار
ياجمل من الطاروق واحلا من الطرق

يا بو جديلٍ كنّه السيل محدار
ويابو خدودٍ بالهوى تسرقن سرق

ياللي سلبت القلب مع سبق و اصرار
يابو ثمانٍ كنّهن نايض البرق

انت المنا انت الهنا انت الاقدار
يالترف يالدلوع يالذوق يالحرق

وكل عام وأنتم بخير