صوت
يامشاري خل بالك مستريح=وش طرى لك يامشاري وش طرى
الهدو يسبق مطيّرت الصفيح=والوعد قدام ماقلنا ورى
والنخل يابس ولكن مايطيح=لو عروقه تشتكي شح الثرى
وياكثر ماتصتدم بالضلع ريح=والجبل راسي وعنها مادرى
وياكثر ماقالو اللكزس مريح=وان مشى الجكوار مسّكه الذرى
اختلط حس القنيب مع النبيح=واستفاد اباالحصين الازهرى
وبالنهايه مايصح الا الصحيح=والوعد قدام وعيونك ترى
******** type="text/**********">doPoem(0)***********الشاعر/ناصرمرسال الخياري
صدى
اشهد ان البال لايمكن يسيح=لين اجي طيبه وازور ام القرى
ولاطمعت بمدة الكف الشحيح=ويشهد لشعري مشايخ ووامرى
ودام ابن مرسال مايرضى المطيح=علموه السوق بيع ومشترى
الدوا موجود للقلب الجريح=علّم اللي جرح قلبه مابرى
والجبل ثابت ولايمكن يزيح=عن سموم الوقت مزبان وذرى
ومن تلاعب بالحقايق في قريح=ياعساه يموت ماذاق الكرى
والمواقف تعشق لسان الفصيح=فارسٍ مقدام كنّه عنترى
******** type="text/**********">doPoem(0)***********الشاعر /مشاري سرهيد القلادي
حاصل على ترخيص من وزارة الثقافه والاعلام السعودي
صوت من ناصر مرسال والصدى من مشاري سرهيد
العرض الشجري