الأمير عبدالعزيز يقول للرشيدي:علي الحق..

ارسل الامير عبدالعزيز بن سعود ال سعود (السامر) الى شاعر الكويت الاول مرشد البذال الرشيدي طالباً منه المقناص معه ,و كان مرشد يعاني من ظروف صحيه لم يعلم عنها الامير عبدالعزيز فأرسل له هذه القصيده يخبره بأوضاعه الصحيه ويعتذر عن الحضور . قال مرشد

الله من قلب(ن) بدت به طواري=قامت عضيمات الطواري تفره
سوت بي افكار الهجوس العزاري=شفت الكدر منها كفا الله شره
يادحيم انا جسمي من الحال عاري=لو ان صوتي زين جسمي مغره
كل الجسد من كثر ضرب الاباري=ومن الحبوب احتاج باليوم صره
ومن النوى جسمي على السهر ضاري=جربت نوم الليل حلوه ومره
صار التعب عندي خوي(ن) مباري=وفتور عظم(ن) راحته ماتسره
كن العظا تفصل بحد الشباري=لوني على الديباج جنبي مقره
كني على وجنا من الهجن ساري=مذهب وادور لي مع القاع جره
ماهمني ماكان للحال جاري=قنعت بالمكتوب نفعه وضره
ماهمني ياكود ضد المثاري=شيخ (ن) طلب والحق منا نمره
عيني على شوفه تهل العباري=عبدالعزيز اللي بعرفه مسره
ولد سعود اللي بفعله نماري=شيخ(ن) كبير ومن هل الجود دره
ودي بشوفه في المدن والبراري=ناخذ مع الاشراف بالعمر مره
لاشك قالت لي ليالي عثاري=اخذ مثل غيرك من العجز وره
ياخوي هرج الصدق مابه مزاري=والا كلام الكذب عنكم نطره
ياخوي انا بالحال كنت متواري=والعلم مني خابرك ماتغره
لوتنشرى جياتكم بالمصاري=بعت العقار اللي غذاني بدره
وياخوك قل للشيخ يقبل عذاري=لين العضا تصبح من العجز حره
هذا وسلم عد نبت الصحاري=على الامير ولك مع الشيخ ذره

******** type="text/**********">doPoem(0)***********

فرد الأمير عبدالعزيز..

بيني وبين الراي بايع وشاري=وماضعت انا من بين فره وكره
سجل يابن بذال مرشد قراري=شهادة لله ماهي مبره
قصايدي ماهي قصايد عواري=قريتها من جوهر الشعر قره
وكتبت لك مردودها باختياري=بيوم(ن) فضيل(ن) عقب شعبان غره
في راس مرقاب(ن) رفيع(ن) وذاري=ماهمني به برد نجد(ن) وحره
واضحيت به واكهف براسه نهاري=وقبلك ركابي بالضحا ماتمره
ياريف هجن(ن) تشتكي ما لسماري=ضرايب عماني على بطن حره
عن حالكم والله ماني بداري=والا علي الحق ازورك بحره
ونبي الوعد لاربعن الدياري=وتليت سبق الحر تل(ن) بجره
في جو مرباع(ن) لرتع الحباري=دم الخروب اللي تكوبر هدره
ننقل طيور(ن) مانقلنا سواري=نوسع الخاطر على قنص بره
وخلاف ذا يومك تشوف النكاري=من وجد شوق(ن) لاجي في مذره
بعيونك الثنتين شفت المواري=حق(ن) على جور الليالي تشره
وكل(ن) يقول القى عماري دماري=وغوج الهوى كل(ن) شكى من مكره
وان كان جرحك يابن بذال باري=اجمع دواك وجوده لاتثره
درس الهوى مابين كاتب وقاري=وسطر محي تكتب حروفه بسره
كتبت لك مردودها باقتداري=والوقت عندي له ذرور(ن) اذره
في عين لدت لك بعسر وعساري=وان الله احياني لقيت المسره
مني سلام عد نبت القفاري=وعداد ماتظهر نجوم المجره

******** type="text/**********">doPoem(0)***********وسلامتكم..