الله ولا عد الروى اللي ماتجيه الا الهيام

اقدم لكم هذه القصيده التي اتمنى ان تحوز على رضاكم وتنال اعجابكم

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] سلام ياهل العرف والمعنى فتح باب السلام = منه المشاعر حايره تكتب سطر تمسح سطر

حطيتها من عز راسي للثريا والغمام = حتى سرى فيها الغرور ولامست سطح القمر

ماردها دون القمر كثر الحسد والا الملام = اللي ليا من صاب سهمه كسر ضلوع الصدر

الله ولاعد الروى اللي ماتجيه الا الهيام = لوماه مايقطع ضما اللي يارده مدة شهر

والشعب من زود الضما والجوع لايمكن تنام = ماباقي ن باتلى الزمان الاتموت من القهر

ودي اسولف بالقضيه والبلا كثر الكلام = يمكن يسبب زعزعه واخذ من اسبابه حضر

وااللي يصافحني بكفه له معزه واحترام = واللي قطع حبل العلاقه وسط قلبي له قدر

ولاصارت الدعوه خوال وصارت الدعوه عمام = لابد ماادمح زلت المخطي ولاادور عذر

اقولها عز وفخر يوم الكرم طبع الكرام = ولان الرجال اهل الوفا ميرادهم عز وفخر
[/poem]

اخوكم : طارق بن نايف البراك الرشيدي