فان بغيتوها شعر ولا وسامه ****والله اني في كل الثنتين راهي

أكحل ٍ طرفه رفع سوق اللثامه
مرثع ٍ فاللي سهى في طرف ساهي
:

أتلع ٍ فآخر طرف شفته شامه
شوفها مصدر توجّادي وآهي
:

نافر ٍ صدره إليا وقّف وزامه
كنك توايق على ابريقين شاهي
:

قاطعه قد لي سنه أبي السلامه
اتلهوى ولا انا مانيب لاهي
:

خايف ٍ من وقفتي يوم القيامه
يوم ما تنفعني فلوسي وجاهي
:

يالله انك لا تلحقني آثامه
طالبك عفوك ولطفك يا آلاهي
:

مَثل الدُنيا مثل كفخة حمامه
كلمة ٍ من بادي بتوصل لناهي
:

و ياخذ الإنسان من دنياه خامه
وما فعل حسب الأوامر والنواهي
:

ويا مروّجة النميمة والرخامه
فالصحافه والمجالس والمقاهي
:

لا تعبتوا يا مناديب الندامه
علمكم ضايع وراع العلم فاهي
:

قد خذيت ابله وزاده من خيامه
والحبيب يخطط وينوي شياهي
:

غير يبطي عظم وبتبطي عظامه
ما قوت تمشيبه دروب الدواهي
:

لو صنعتوا بوصلة عز وكرامه
إتجاه البوصلة يعني اتجاهي
:

النهر جاري و يا قوّ احتدامه
والمنابع من فضل ربي كما هي
:

كل صاحب ذايقه يشكي حيامه
يارد ويشرب ويروى من مياهي
:

شاعر احساسي فكر وأرضي غمامه
واكثر الشعّار ما شد انتباهي
:

يفرض ابداعي وقاره واحترامه
بين زحمة موضة الشعر الفكاهي
:

ما خذيت من البعير إلا سنامه
ولا تركت من الثقة غير التباهي
:

اعرف الرجال من منطق كلامه
وافخر بعقلي واماريبه واضاهي
:

ما زهى راس الزعيم الا الزعامه
والمواقف زاهيه والراس زاهي
:

فان بغيتوها شعر ولا ّ وسامه
والله اني في كِلا الثنتين راهي

//
\\
((منقول))