يامفلح الدور واجد انشابه

اقتباس:
المشاركة الأصلية كتبت بواسطة بطاح بن وساح بن وضاح

ياضابط الكيف جا للكيف شرابه = من هيض فكره تعاين بدعة سلوبه

يحكي عن الغايب اللي سبب غيابه = جملة قصص بالدلايل جات مصحوبه

ويوم الجريمي سمعنا ماحوى خطابه = قلنا السوالف بعضها جات مكذوبه

لوينطق بهرج في معناه يبلابه = والغلطه اللي بوجه الناس محسوبه

والفارس اللي قضب للسيف بنصابه = مايجهل المعركه نوبه ورا نوبه

اثر البشر يحلمون احلام كذابه = في ليلة ن عن جميع الخلق محجوبه

وياموكل ن للمحامي سدد اتعابه = لاتصير علة نحر وتضيع دروبه

عزالله انك كريم وكاسب اعجابه = لولاغلاتك ماجانا يمسح جنوبه

وخل الاسد في زئيره يرهب الغابه = يوم الحصاني تخاف ولاتجي صوبه

والغالي اللي يسر الروح بعتابه = يبنى له المجد طوبه فوقها طوبه

والله لوسج وسط البيد بركابه = لاتبع طريقه يالين يشوف ماجوبه

يوم الغضب يبعد الخير عن اقرابه = انا رسالة غلا بالخير مكتوبه

******** type="text/**********">doPoem(0)***********


هلاء وغلاء يابونسب ولكن الوضع فيه خشونه ولكن اسمع المرد ولكن مالك حق ترد عن انسان هارب عن المرد

مادام به ناس للخلان جلابه === وان حصلوا علم ماله راس ذاعوبه

وانا مابيع الضمير لناس نصابه === ولا اسير مع منهج النصاب واسلوبه

والمدح والذم طبعي ماتعطابه === الا علي واجبه لاحل ماجوبه

والناس كل وطبعه والله ادرابه === كل ياحاسب علي حسناه وذنوبه

اللي يدور علي المسلم ويغتابه === مثل لبريصي السانه سيف لغبوبه

قلته وانا ماغدالي حق يغدابه === وادري العواقب واعرف الحق ودروبه

اعرف طريق العداله واتقدابه ===والعادة اللي لها قيمه ومرغوبه

والعاقل اللي يقص الدرب يلقابه === لو جنب الدرب يطمع فيه دبوبه

العبد ماجنبه واخطاه ماصابه === وارزاق لارواح والاجيال مكتوبه

ومعني كلامي تراه لناس سبابه=== اللي اقفي صديقه حش عرقوب

وانته رجل تفهم المعني وهندابه ===وابوك قبلك قبس من نار مشبوبه

حر يشيل الضلوع العوج مضرابه ===ذيب الغداري ليااخمر كل زاروبه

قلته ولا مقصدي مردود للجابه === لكن قلبي فضي الهوجس دالوبه

مابيك تسعي ورى وضعي وتشقابه === بيني وبينك يعرف العلم مندوبه