لاصرت بايعني

سوّ اللي براسك ولا تذكـر اسبـاب
لا صرت بايعنـي توكـل علـى الله

مابينـي وبينـك مشاريـه وعتـاب
شف دربك اللي جيت منـه ..تدلـه

ماراح تغلبنـي لـو الحـب غـلاب
من حضرتـك عشـان قلبـي تذلـه

في ذمتي ..لجعلك عبـرة للاحبـاب
لين الخلّ يتـوب عـن جـرح خلّـه

زلاتك اللـي مانفـع فيهـن حسـاب
لا جيـت اعددهن..ثمانـيـن زلّــه

احرجتني بيـن القرايـب والاحبـاب
كـن الجفا..سيـف بوجهـي تسلّـه

ماكنت اقصر فيك ..من كثر الاعجاب
يومك تساوي عنـدي ..الكـون كلـه

كنت القريب وكلهـم كانوا..اغـراب ...
حتى القمر لا غاب..شفتـك محلّـه

خلاص لا ترجع..ترى خاطري طاب
بيطرى اللـي كنـت عايـش بظلـه

رح اعتبرني ..واحد اذنب ..وتـاب
ماني بثوب تلبسـه ثـم .. تملّـه !!!

مايجتمع بالحب صادق وكذاب
رزقي على الله وانت رزقك على الله..