خافوا من الله لاتجيبون طاريه ••• لاصرت انا موجود لاتذكرونه •

10-03-2011, 11:17 AM

خافوا من الله لاتجيبون طاريه ••• لاصرت انا موجود لاتذكرونه •

قالوا حبيبك يسمع الشعر قلت إيه
يقراه بعيوني قبل تسمعونه

لولاه حتى طاري الشعر مابيه
ميراكتبه من شان خاطر عيونه

هو روح شعري وامنياته وماضيه
جذع الشجر وش كان لولا اغصونه

اكتب لغيره والقصايد تجي فيه
كن القصايد حالفه ماتخونه

هذاك لامنه زعل قمت اهاديه
حتى وهو مخطي تعذرت دونه

يمكن لوانه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
وأنا من العام اتحرى مزونه
هومادرى اني في غيابه محاتيه
ليته نشّدعن حالي اللي يجونه

وقلبي اللي توه افلت عراويه
كيف انسرق وضلوع صدري حصونه
عجزت ارده كن ماني براعيه
يوم انتثر شوقه وهاضت اشجونه

يبسن عروقه لكن اللي يعزيه
ان اكثر العالم تردد لحونه

خافوا من الله لاتجيبون طاريه
لاصرت انا موجود لاتذكرونه

لو كل غالي جابه الله لغاليه
ماشفت لك مخلوق تبكي عيونه

اتمنى ان تنال أعجابكم

تقبلوا ودي
وتحياتي

حلمي بحر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لم خلقنى الله لم أنا موجود...مؤثره ورائعه جدا	أم سارة	المنتدى الاسـلامي و زاد المسلم من الكتاب والسنه )	5	11-18-2011 07:46 PM
لاصرت بايعني	مستشارك	القصايد المنقوله	6	10-26-2011 02:02 AM
قفلت باب(ن) يحرق القلب طاريه	عبدالرحمن خضير	ساحة الشعر والادب (كتابه)(صوت)(شيلات)	9	09-16-2011 01:37 PM
خافوا من الله	الكوكب	القصايد المنقوله	1	06-18-2011 12:20 AM
وش تسوي يا بحر لاصرت فاقدلك حبيبة ؟؟؟	اسيرالحب	ساحة الشعر والادب (كتابه)(صوت)(شيلات)	5	11-27-2008 07:59 PM

حاصل على ترخيص من وزارة الثقافه والاعلام السعودي