ريف الخوي و للمعادي ذهابي ((ابانات))

السلام عليكم ورحمة الله وبركاته
اخواني اخواتي اعضاء وزوار موقع الشاعر /غازي البراك موقع الجميع.

الحمد لله الذي يقول الحق وهو يهدي السبيل

تشرفت ان دعاني الشيخ /مضيد بن سلمان ابن حمد بن بدوي في روضة ابن حمد لحفل معايدة اهل ابانات بمنطقه القصيم وذلك شرفاً وفخر لي حضوري عندهم وان تشرف بالسلام عليهم وحضوري عند اهل ابانات شرفا لي وفخر حيث انهم مكان الشرف والكرم والشجاعه ويستاهلون المدح والإشادة وهذا هو من اقل من ماقيل بهم وهاضت قريحتى بهذه الابيات حيث انهم يستاهلون,,

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

جاء للزياره وقت والعيد حزات=وللطيبين حقوق تداء وتجابي
وقريحتي هاضت وسويت الابيات =مثايلاً في ماذكرت وطرابي
ياموتري نبغاك تقطع مسافات=تجَهم وتمسي ديارهم بصتحابي
سلام ياللي وقَفو دون ابانات=تمركزوا بخشوم ذيك الهضابي
اللي حموهن يوم الارياق مرات=تحدرو من لابتن ماتهابي
مبعد نواياهم والايام عسرت=مطوعين ركابهم للصَعابي
راحت بهم عوص النجايب سريعات=مضابره رجَالهم مايهابي
سبعه عددهم واضحن بالروايات=وكن العدد سبعين خوذ الجوابي
مايخيفهم ليل(ن) اسباعه مجيعات=اوموا عليهن بلعصي والعقابي
حمر الوصايف والكلايف خفيفات=اما قلص ولا قليل الزهابي
اصايلن من دربهن مستذيرات=وعوج العصي تحد عوج الرقابي
ركابهن يسري ويصبح ولايبات=ومن حنكته يصير فيهن ارعابي
وليا اعترض في دربهن عارض(ن)مات=في دربهن ياقع عطيب الصوابي
لاما اعتلو روس الجبال المنيفات=ريف الخوي و للمعادي ذهابي
وامع السهل لهم مواري مبينات=لهم مداهيل(ن) بذاك الجنابي
اهل الركايب ورثوا جيل نهْضات=احفادهم بالمثل شيب وشبابي
يرقون صرح المجد في كل الاوقات=مثل الرعود المرزمه بالسحابي
عون الذي صابه من الوقت ميلات=محزم وفاء رجالهم ماهو هابي
ربع(ن) لنا. ومنا. ولابه مراوات=نفخر بهم ولهم فـــخـــرناً ينابي
وصلاة ربي عد ما تقراء الايات=على النبي المتبع والصَحابي

[/poem]