عواكيس
* الأخ العزيز معوكس بعد التحية باعتقادك لو تمت عملية تخصيص الأندية وطرحت أسهمها في السوق السعودي أي منها سيكون بقوة (سابك)؟!
صديقك معاذ الحميد -مرات
- ماغيره اللي هبل ببعض الناس وشالوا شعاره من التذاكر!
*الأخ معوكس أولا: أبشرك بعودة فريق الحلة بعد انقطاع لمدة عشر سنوات عن اللعب وثانيا: ما رأيك بتعيين متحدث إعلامي للفريق لسبب كثرة المنافسين لفريقنا؟
سفير الحلة الخبراء
- أهم شي يعرف الاتحاد الصدقي وينوم عند بوابة القناة!
* الأستاذ معوكس يقولون انك أخصائي في علم الاجتماع وبودي أسألك وش سالفة خالد عزيز، والله ملينا؟
خلف الدهمشي- عرعر
- مليتوا عطوه منتخب سدير جسر لبرشلونة!
* الحمد لله يا معوكس انك ما أنت عضو في أي برنامج والله كان رحت فيها وندورك ما نلقاك؟
خالد الفهيقي
- الجوف
- أصلا البرامج من زحمة نقاد الغفلة صارت كنها سرى خباز تميس!
* حبيب الكل معوكس يقولون انك أنت اللي وهقت بعض الحكام والمقيمين يوم صرحوا ضد اللجنة.. اعترف أحسن لك؟
فلاح العجمي- الدمام
- ومن قال لهم يصرحون لو اكتفوا بالمثلوثة والكنكان في الاستراحة أبرك لهم!
* متى نقرأ يا معوكس أن لجنة الانضباط عاقبتك مع عبدالسلام الهليل بغرامة مالية.. نشوف انتم تقدرون تسددونها وإلا لا؟
فهد السويلم- بريدة
-ابوهليل ماعنده سمسمية يشيلها ياظالمني!
* العنيد جدا معكوس صراحة التحكيم الأجنبي اثبت فشله لذلك قررنا أن نطالب بالحكم المحلي منها يفوز فريقنا ومنها نعطي المحلي فرصة؟
سعيد الدوسري - الوادي
-محلي وإلا سفري؟
* ندعوك يا معوكس إلى المشاركة في حفل اعتزال قائد فريق مفتاح أربع طعش وجب معك الهليل نبيه ضيف شرف ويسلم الهدايا للاعب؟
راشد الدوسري
- ومن يضمن الهدايا المشاهير آخرتها دروع ودوها لحراج بن قاسم!
* هل صحيح انك كنت سمسار لاعبين وانك فشلت والآن تبي تصير وكيل دعاية وأشرطة غنائية؟
سعد الزهراني
- أما أفشل كثر منها ميسي خاطبني يبيني وكيل أعمال وصرفته!
* يقولون يا معوكس انك ضحكت على مهاجم فريقك يوم وعدته بسيارة داتسون موديل 85 وآخرتها بلغ عمر اللاعب 60 وما استلم الهدية؟
احمد الغامدي
- ذكرتني باللي جلس عشرين سنة الين تصدق عليه واحد وكرمه!
* ليش ما تريحنا يا معوكس من بعض المحللين الحصريين وتكون شجاع وتظهر بالتلفزيون وتحلل المباريات يمكن تضرب معك وإلا تضرب فيوزك؟
نواف البشر
- الفيوز شفها ضاربة ومحروقة في خط الفتنة!
* آفا يا معوكس والله قل الخاتمة آخرتها أحسن ظهير في ملاعبنا عبدالله صالح ما احد يلبي طلبه من الأندية يلعبون ضد فريقه يوم اعتزاله.. وين تصريحاته يوم قال انه لن يشارك في الحفل إلا فريق واحد.. ظنك وهق نفسه؟
حمد القرشي
-إلا عاد أبو صالح من زين التوقيت اللاعبين آخر الموسم قاضي قازهم ويالله يسحبون رجليهم!
* الجنتل معوكس لو كنت حكم مباراة بين الهلال والنصر وقايدي الفريقين رادوي وعبدالغني وشلون يتصافحون وتطلب منهم تهدئة اللاعبين؟
عوض الثبيتي
- يتصافقون!
*الحبيب أبو العواكيس تحية وبعد ودي أعرف ليش يوقفون مدير المركز الإعلامي بالاتحاد هو محور ولا رأس حربة
بندر العصاي-عنيزه
- رأس مندي!
* الحبيب ابوالعواكيس بعد المحبة والتقدير ياخوي لابيانات ولاشكاوي ولا تذاكر ولامداخلات ومتحدث رسمي وشلون يفوز الفريق اللي على بالي؟
صديقك-حمد الدوسري-أبومبارك
-إذا كان الدوري يقام على استاد سوق الحمام الدولي!
*قاهرهم أبو العواكيس بعد التحية: وش كان ينقص الهلال في مباراته الاخيرة قدام النصر أحس أن «الزعيم» كان في تمرين ترفيهي؟
عبدالملك المرشد
-عرقة الغربية
-ينقصه ما نقل التمرين لملعبه!
حاصل على ترخيص من وزارة الثقافه والاعلام السعودي
رد: اخبار نادي القرن ليوم الجمعه 25/5/1432هـ من الصحف
العرض الشجري