شخابيط / خرابيط

شخابيط / خرابيط

ياسلك لو كهرب الساحه لنا تشيطه = اكبر كبيرٍ على الساحه لنا يطاطي
العلم قالوا بحر حنا له نحيطه = وما كان عالي ترى تحت السما واطي
لحدٍ يكثّر علينا من شخابيطه = لا صار ما هو من الشعار محتاطي
ما كل شقٍ نجامل فيه ونخيطه = ولا كل مركب رجع سالم على الشاطي
جمّال جمّال لا تاخذ خرابيطه = لو كان حرفه على نبض الحشى ساطي
الفكر من صوبهم محتاج تضبيطه = حقٍ ولازم نعاتب مذنب وخاطي
فكري سلاحي وحرفي زان تنقيطه = أجيبها أن كان حرف إبداعي متباطي
أجيبها من خوى راسي وتخطيطه = والحر يفهم معاني الحرف ونقاطي
الخير فالأمر ناخذ من تواسيطه = وأنا عليها ترى باخذ من أوساطي
اللي نوى قافنا يا شين توريطه = لو هو يصوغ الذهب ما وصّل قراطي
هذا مزاجي نويت اليوم تنشيطه = لا راق كيفي قطعت بكيفي أشواطي
لو كان سلك المعاني ودّنا نشيطه = أكبر كبيرٍ على الساحه لنا يطاطي

******** type="text/**********">doPoem(0)***********

اختكم
هواجيس سارة