والعمـر لـو طـال جـاه المـوت وغتـالـه

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مـن مانشـد عنـك لاتنشـد عـن احوالـه = انـس المقفـي ليـا قفـى وقفـت اظعونـه
وخلـك بفـالـك وهــو خـلـه عـلـى فـالـه = وجعـل بعيـد المسـافـه دونــك ودونــه
لاصــار ناسـيـك ماتـطـري عـلـى بـالـه = مـالـك ومـالـه ومــال الـلـي يـخـاوونـه
والرجـل يقـطـف ثـمـر وقت(ن)تهيـالـه = ويشوف ربحه ومخراجـه علـى هونـه
والعمـر لـو طـال جـاه المـوت وغتـالـه = كـم واحـدن مـات قبـل يقضـي اديـونـه
احــدن حيـاتـه تـسـر الـربــع وعـيـالـه = ولامـات موتـه حـزن والنـاس ينعـونـه
وماينبكـي غيـر رجل(ن)طابـت الفعالـه = والا الردي وهـو حـي النـاس ينسونـه
الـرجـل مــن بالفعـايـل يظـمـن اقـوالـه = لاقـال قول(ن)يـفـي بالـقـول ويصـونـه
واللـي علـى غيـر فـعـل يمـيـل اعقـالـه = ودك عـلـى الخـشـم والحـجـان يكـونـه
ويكتب على الخـد تحذير(ن)لمـن جالـه = تـحـذيـر وقـــت الـشـدايـد لاتـنـصـونـه
واليوم طيب الرجل معـروف فـي مالـه = والا بامنـصـب بــه الـعـالـم يشـوفـونـه
ومـن مـاقـدر والـعـذر تــردي احـوالـه = مافيـه شـك(ن)وفـي عــذره يعـذرونـه
ومن قال انا اللي عرفت الكون وشكاله = غلـطـان والـنــاس قـولــه مايطيـعـونـه
ومـن قـال انـا الشعـر مندوبـه وخيالـه = اخـطـا بقـولـه وخــلا الـنـاس يقـفـونـه
كــم واحــدن تـضـرب المـثـال بامثـالـه = ومثايـلـه بالحـكـم والنـصـح مضمـونـه
وكـم واحــد بالشـعـر مـاحـدن توحـالـه = لو جـر شعـر ه باحلـو الصـوت ولحونـه
واحـدن تبـلا بـهـذا والـوقـت والنـذالـه = وحـتـى لــو ابـعـد يـجـونـه ويتبـلـونـه[/poem]