[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="groove,7,crimson" type=2 line=0 align=center use=sp num="0,black""]
ماعلي خلاف اقول اللي ابيه=من فضل ربي علي اني قوي
الا حبك شي ما اقدر عليه=كن حبك ضيف والقلب بدوي
انت بس اللي ابيه ولا اجيه=عنك حظي لاوي ذراعي لوي
صرت لي مشوار لاجيت ابتديه=ان لقيت الدرب ضيعت الخوي
رد يامنهو حياتي في يديه=لا تخليني وانا لك مهتوي
ان خسرتك وين ابلقا لك شبيه=وانت من كل شي نادر تحتوي .؟
وين رايح جعل هالزول افتديه=وانت خابرني من البعد انكوي
انت حتى الجرح منك اشتهيه=من غلاك اضمى عذابك وارتوي
انت لا سولفت ماكني هنيه=التزمت الصمت كني منطوي
ليه اسولف لك وهي من غير ليه=تعرف انك تطوي احزاني طوي
انت حبك شي ما اقدر عليه=كن حبك ضيف والقلب بدوي
[/poem]
الشاعر ثامر شبيب الرشيدي
حاصل على ترخيص من وزارة الثقافه والاعلام السعودي
كن حبك ضيف والقلب بدوي ...ثامر شبيب الرشيدي
العرض الشجري