خذ ماتبي مني ومافي يديه ,,, باقي ثلاث ايام ثم عاد اخليك
اخذ الرسايل كلها والهديه ,,, بمسحك من صفحت غرامي وابنفيك
ماعاد لي وياك روحه وجيه ,,, لاعاد ترجيني ولاني براجيك
ماعدت انا اللي ليلته شاعريه ,,, كسرت مجداف الغلا بحد شاطيك
صحيح ماجا منك ذنب وخطيه ,,, بس الظروف اليوم تجبرني انهيك
وفيت انا ادري بالمشاعر وفيه ،،، يالله عسى عين السعاده تراعيك
هاك الامانه وانت رجعني ليه ,,, امسح دموعك لاتبيح خوافيك
اضحك وخل الحزن يبكي عليه ,,, غمض وخل السهر لعيون مغليك
انسى وانا بوعدك ماتطري فيه ,,, خلاص بالتاكيد لايمكن اطريك
بودعك واقبل سلام وتحيه ,,, لا تلتفت وتفكر اني بناديك
لكن قبل لاتروح لحظه شويه ,,, خذ قلبي يوم انه حلف مايخليك
شعر / خالد الهطلاني
حاصل على ترخيص من وزارة الثقافه والاعلام السعودي
لكن قبل لاتروح لحظه شويه ,,, خذ قلبي يوم انه حلف مايخليك
العرض الشجري