السلام عليكم ورحمة الله وبركاته
مساء الخير للجميع
أضع بين يديكم هذه الرائعه من روائع الشاعر/ سلطان الهاجري التي أتمنى ان تنال أعجابكم
واهني الصخرة اللي مايحرقهـا سمـوم
الزمان اللـي يهـد العـزم ماهدهـا
الزمان اللـي تحـدى قوييـن العـزوم
لين مشاهـا علـى ود ماهـو ودهـا
المجامل بعض الأحيان مايقضـي لـزوم
لابو النفس الضعيفـه ولابـو جدهـا
كل ماكبرت وضاقت على عيال الرخوم
نحتزم لأكبـر مصيبـه وناطـا خدهـا
ياعيال آدم وحـواء تراهـا ماتـدوم
دورة الأيــام لابـدهـا لابـدهـا
أدري ان فالناس معطى وفالناس محـروم
هيـه يابيـض النوايـا ويامسـودهـا
جعل قسمي عند ربي من خيارالقسـوم
واحـدٍ يعـط العطايـا ولا يرتدهـا
ياوليد البط وشلـون ماتعـرف تعـوم
وانت أبوك يعوم جزر البحور ومدهـا
أنت ياحلمٍ حلمته ماهو مثـل الحلـوم
ياضحية مزح الأحلام مـادري جدهـا
ياضميري لايهمك مـن الدنيـا همـوم
الصعيبـه حلهـا والبسيطـه عدهـا
جات في سد الشوارب وفي سد الخشوم
كبر الضيفه وعش الضيـوف وغدهـا
الردي لو درس المرجله في كـل يـوم
المراجل عنـد أهلهـا يذعـذع ندهـا
ماكشفت الا وضع والنمايـم والعلـوم
يارسول الحكي هات العلـوم اودهـا
الصفوف ثنين هذا دفـاع وذا هجـوم
وانت أظنك مانت معها ولا أنت بضدها
مير في سوق الأظلـه تريـح ومخـدوم
وان ذبحك الجوع كد التكاسي كدهـا
حاصل على ترخيص من وزارة الثقافه والاعلام السعودي
كل ماكبرت وضاقت على عيال الرخوم**نحتزم لأكبـر مصيبـه وناطـا خدهـا
العرض الشجري