يا راكب اللي عليه حـروف منقوشـة/ محمد سلمان الوهيداني

[poem=font="arial,6,black,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]

ياليـل جعبتـك مستـوره ومفتوشـة=عطني مدام الهجوس تقول لـك هاتـة
مابـي ثقيـلات دم ولابـي مربوشـة=عطني من اللي تعرف القلب وهواتـة
اللي تجيب الطـرب وتبعـد الدوشـة=مـدام فكـر المغنـي جـر بغنـاتـة
يا راكب اللي عليه حـروف منقوشـة=علـى دروجـه وطبلونـه وقيراتـة
ارضيته باجمـل الموكـت مفروشـة=وسقفـه وبطايـن الابـواب واسياتـة
لونه مثل لون ثوب اللي على الكوشـة=اللـي نحرهـا مثـل لمعـة مريـات
يفزلو كـان رجلـك دوبهـا تنوشـة=يا زين مسـراه لمـن شـب لمباتـة
جيبٍ جديد الصناعة ماهـي مغشوشـة=وكالتـه بالخليـج افخـم وكـالاتـة
ماركبه اللي مغيـر يحسـب قروشـة=اللي يحسب الفخر فـي ملـي مخباتـة
اللي علومه تجي عوجـا ومخشوشـة=ودايم على المصلحـه يبنـي علاقاتـة
يزعل ويرضى وهو في وسط خربوشة=والجيب صعبٍ على حضرة شناباتـة
ازمالة اللي لضـاع العلـم بالطوشـة=ياقف وتورد حيـاض الجـم وقفاتـة
لداج بفياض سدر وشيـح مرشوشـة=وقيصوم تاتي مـع النسنـاس لفحاتـة
مايغبط اللي بلاطه حـاط باعروشـة=االلـي لجـاه وجـاه وكثـر خزناتـة [/poem]

الشاعر / محمد سلمان الوهيداني