( اســـمحـــيلي يالـــــــــغرام ) ...

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اسمحيلي يالغـرام العف يالوجـه السموح=ان لزمت الصمـت او حتى لبست الاقنعـه
اعترف لك ما بقى من عالي الهمـه سفوح=انحـدر كلي كمـا طفلـن تحـدر مدمعـه
آه ياجور الحزن وياي وفي الفرحه شحوح=ضايعـن بهمـومي الغبرا بوسط المعمعه
اشتكي لوسادتي دنيـاي واسمعها تنـوح=كنها بعضي و بعضي ويـن هو منهو معه
مختلط في عبرتي حبر الشقا ودم الجروح=ومستوي في نظرتي غرب الوجود ومطلعه
عودي المبري بقابه من بقايا الوقت روح=وفصل خامس حايرن بين الفصول الاربعه
راس مالي ذكريات وحلم وآمـال وطموح=لا صديـق ولا رفيـق ولا طريقـن اتبعه
سامحيني دام عذري واضحن كل الوضوح=واسمحيـلي بالرحيـل بلا تذاكر وامتعـه [/poem]

شعر اسير الشوق