صوت من رابح الحربي وصدى من غازي البراك

بسم الله الرحمن الرحيم

اخواني واخواتي الزوار الكرام

الخوه والصداقه لها شان عظيم
رابح بن ربيح الحربي حفظه الله
من الشعراء الذين لهم باع طويل في بحور شعر النظم
كنت انا وياه مده طويله من الزمن في في مدينة تبوك
مثل الاخوان
وعندما نقلت الظروف العمل الى حفرالباطن
كان الوداع صعب وقال هذه القصيده

يقول رابح

[poem=font="arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سرياقلـم واكتـب تعابيـر وحسـاس=وكتب تعابيري على سـاس ساسـي
حان الوداع وصار بالقلب وسواس=وزود علـى مافـيـه جــاه التمـاسـي
والعين ماتطمع مـن النـوم بنعـاس=مـن يـوم دمـع العيـن الـخـد داســي
فـرقـاك يـاغـازي بهـاذيـل وتـعـاس=في جيـرت المعبـود لاشفـت باسـي
فـي هالجبـل حتـى الطواليـع يبـاس=غيرالقـلـوب المـزمـنـه باليـبـاسـي
لاوالـذي نـزل تبـارك علـى الـنـاس=منسـاك ياالـبـراك لـوشـاب راســي
أشفق على اللي خوته ترفع الراس=ولآردي خـايـب وخـاسـر وخـاسـي
والمـعـذره ياكـاسـبٍ كــل نـومـاس=لـعــل قـافــي مايجـيـبـه هـسـاسـي [/poem]

وهذا ردي على ابو مازن

[poem=font="ms dialog,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حييت ياخـط كتـب للـي بقرطـاس=يـوم الـوداع وداع ربعـي ونـاسـي
أحـــد يـودعـنـي بتعبيـروحـسـاس=وأحـد دمـوع العيـن تعبيـر يـاسـي
ميسـت منهـم لاكـن البعـد مقـيـاس=بيـنـي وبيـنـه متـعـبـات التـكـاسـي
يبكي وأنا ابكي خوته مالها أجناس=خوت شرف مثل الجبال الرواسي
يارابـح الحربـي ليـادك الادمــاس=اطلـب مـن الله لـك تليـن القـواسـي
عسـاك بدنيـاء بعيـدٍٍ عـن البـاس=ولامـت جعلـك بالجنـان متـواسـي
هذا مردي وكـان ماجيـت عسـاس=مـاتـت قـلــوب دالـهــاتٍ نـواســي
ماجاء منـك تقصيرياطيـب البـاس=ولانته من اللي بين شيشه وكاسـي [/poem]