قصيدة لشاعر محمد عليان القلادي الرشيدي

[poem=font="simplified arabic,5,white,normal,normal" bkcolor="transparent" bkimage="backgrounds/3.gif" border="inset,4,darkblue" type=0 line=0 align=center use=ex num="0,black""]
أسألك يانجد عن ماضيك = وأعيد ذكراك واكتبها
حنا وأبانا قد عشنا فيك=قبل الحضارة نجربها
وين اللي ترحل وتنزل فيك =بقعاء شالتهم مخالبها
وبقى الزواحف تقلب فيك=وسباعك تأكل ثعالبها
ومن أول الغيث مايخطيك =وشعبانك السيل يقلبها
واليوم أشوف الدهر قاصيك =وأرضك توحش عقاربها
الله عقب المحل يسقيك =سحب تشالع جوانبها
لين الزبيدي يتكاثر فيك =وقلوب الأجواد تعجبها
ويابخت حي تجول فيك =كل المشاكل مجنبها
بديار خلا شوفها يرضيك =ريح النفل مع هبايبها
وش لك بحي ماهو باغيكك=ليا جيت بانت حواجبها
البعد عن شوفهم يغنيك =مع راحة البال تكسبها
وإبليس والكبر لا يغويك= ونفسك عن الظلم عاتبها
اعرض عن الناس لو تذيك =اصبر وربك يحسبها
الشاعر / محمد عليان القلادي الرشيدي
[/poem]