قصيده بحفل محمد بن ناهس البراك

قصيده قلتها بزواج يوسف وناهس ابناء الشيخ /محمد بن ناهس البراك

حضرت في حفل ٍ تشع أنواره=سلام يالمحفل وياحضاره
ياشيوخنا لاجاتني دعوتكم =ماني من اللي يكثرن أعذاره
لوكنت في خارج حدود الدوله=ماقلت محفلكم يابعد دياره
اما على الموتر قطعة الفرجه =ولا حجزت وجيت بالطياره
تقدير لمحمد وكل اخوانه=الكل منهم عالي ٍ مقداره
اهل الكرم والطيب واهل الهيبه=من شك فيهم قلت ماتت ناره
في مدحهم هاضت قريحة شعري=واخترت من جزل القصيد خياره
في حفل ابن ناهس كريم السبلا=شيخ ٍ ولد شيخ ٍ يابعد انظاره
فيه الكرم متورثه من ناهس =وانشد عن فديغم تجيك اخباره
ودليم ويش اقول ويش اخلي=شيخ ٍ على خصمه يزيد إصراره
الطيب بمحمد على جدانه=ماهوغريب استغرب استنكاره
شيخ ٍيفوح العود من ديوانه=قبل يقوم يرحب بخطاره
من روس قومن ماحدن جاهلهم=شيوخ وابنا شيوخ ساس أماره
المدح بالبراك مانبلش به=فيه الشعر يسهل على شعاره
أهل البويضاء محتمين التالي=اللي عن التالي تصد الغاره
ياروس عبس اهل القنا والشلفاء =يلجى لكم من عجز ياخذ ثاره
انتم زعامة عبس من مبداها=وانتم مكان العز واستقراره
قدام توحيد البلاد وحكمه=قبل القشر لاينقطع تياره
والذود يرعى تيه بحمايتكم=من شاهد الكفه تزوغ أبصاره
من ماعرف قاسم سمع بعلومه=من هيبته بحماه يأمن جاره
هذا فعل قاسم وذولا عياله=نمرٍ وخلف له ورآه نماره
ستر العذاراء بالنهار الاقشر=لأطاح عن وجه الهنوف استاره
وانا من اللي بالكرم شهرتهم=يوم الزمان الشين وقت ادواره
مرحبة بالضيف قبل تعرفه=ماهو كلام العالم الهذاره
عجاونه وافعالنا معروفه=كل ٍ سمع بالعجوني واذكاره
رجالنا بالكون فعله بين=لامن عج الخيل طار أغباره
والعجوني لولا كرمه وافعاله=ماحصل البيضاء وجات أشعاره

******** type="text/**********">doPoem(0)***********