طاروق جرى بين ابوسهتل وبترول وحبيت انقله لكم
ابوسهتل
سلام من هيض شعري يوم جاله مجال = رديتن وافيه بالخير مديتها
اثــرك حـاضر بــنــيه ياطـــويــل الحـبال = لكن نيتك بالمشعاب رديتها
بترول
يا مرحبا ردتن مسيتها باعتدال ** لين استوتلي على قافك ودزيتها
انا رجل ما عليّ قصور بين الرجال ** ولا انت جارت بك ميولك وجاريتها
ابوسهتل
ان كان هذي علومك طش عنك العقال = تسليمة اهل الوفا والطيب ماوفيتها
لاعــطــيتــك العلم لاتجادل ولاابغى جدال = ســميــت بــترول والاجواد سميتها
بترول
العوجه اللي طبيعه في رقاب الجمال ** ما تعتدل لين بالمصقول قصيتها
كنه على خدك الايسر نبت حب خال ** ياللي تحليت بالحبه وحليتها
ابوسهتل
فـــيـك انتهى العلم مابين الرجا والخيال = قـضية ن للحضور الحين حليتها
حظك ضرب له جبل ولابرك وسط جال = ياشجرة ن لوتشال بساع شليتها
بترول
لو ما ورا ذبحتك نوماس في كل حال ** عرّضت عينك على السكين وادميتها
تستاهلون الدلاله يوم شفت الحلال ** ارضيت خاطرك واللي عندك ارضيتها
ابوسهتل
مــنــتــه محقق فخر جنوب ولاشمال = مــع كــبــر بــطـنك دموعك ليه هليتها
لاعرف بظهرك بالماقف ولاراس مال = وعــيــونك الــقاصره تشكي ردا بيتها
بترول
كبوك رغم الحمول اللي بظهرك ثقال ** وجروا عليك القصايد لين غنيتها
يا قو باسك ليا هالحين فيك احتمال ** مكينتك ما خلط ماها على زيتها
ابوسهتل
جحا توفى وحماره بالوطا لايزال = وانا بري من قضيتكم ومن صيتها
عــادتــك ماتنتهي لونضربك بالنعال = مــافيه قــوم ن كرام الا وسبيتها
بترول
لا مات راعيك روّح مع هذيك السهال ** ازعجت الاجواد في صوتك وغثيتها
اليا خلا المستحا خذها بدون انفعال ** نعلتك قبل امس في خشتك دقيتها
ابوسهتل
ابربطك بالحضيره لين تنسى الهبال = الناس تشكي من ازعاجك لامريتها
الاولــــه روحــــت والــثــانيه قم تعال = هقوتك هذي تبى تبطي ماسويتها
بترول
ما توبّتك العصا لا زال فيك الجفال ** والكدش بالخيزران العام مشيتها
اثرك مهما حصل تصبر ومرتاح بال ** ما تشتكي كية المشهاب لا اركيتها
ابوسهتل
يالــلــي تبعت الهماج ولاتبى لـلـزلال = حنا هل الخيل يوم الكدش ربيتها
لاعارف ن للجواب ولاعرفت السوال = تاهت ذلولك مع المسرى وكبيتها
حاصل على ترخيص من وزارة الثقافه والاعلام السعودي
ابوسهتل ضد بترول
العرض الشجري