مسيـت بالخيـر ياشفـي وياذوقـي
يامكسبـي في الغـرام ومصدراشواقـي
القلب هو منزلـك ودروبـك عروقـي
في كل عرقن لرجلـك موقـع تلاقـي
وان ضقت من قلبي اطلع منه الموقي
يعني مكانك مابين القلـب واحداقـي
يالـذه العشـق ياطبـي وياعـوقـي
ياوردة ماغفـل مـن ريهـا الساقـي
من يوم لقياك يمـك مابـرد شووقـي
ولا تهاونـت فـي عهـدي وميثاقـي
يمبيك عن شوقي اسلوبي ومنطوقـي
واكبر الادله لاشفتك زانـت اخلاقـي
هاك اكبر حقوقك وهات اصغر حقووقي
لاكنك احـذر تخيـب هقـوة الهاقـي
يتـل قلبـي علـى طاريـك معلوقـي
وافز له وارتكز علـى عظـم ساقـي
واختار جزل الغـزل واجـر طاروقـي
وراجـع الذاكـره وارتـب اوراقــي
واقول محدن من العشاق من فووقـي
دامك معي ياسفير المستـوى الراقـي
هذا وانا يكفي من رعـودي بروقـي
ياحظي من الغـرام وقسمـي الباقـي
مادمت بين العذارى صرت معشوقـي
ارحب على الحرام انها مـن اعماقـي
يلعب لك القلب من فنـي وطاروقـي
العب له احلى طروقك واتـرك الباقـي
اطيب التحايا
// اسـيـر الـحـب //
مـنٌقُوٍلُ
حاصل على ترخيص من وزارة الثقافه والاعلام السعودي
.. // مصدر اشواقي // ..
العرض الشجري