مــــــــن عـــــاش بالدنــــــيـا

ذكراك لاهبت يجي عطرها صلف...
واستنشقه بالصدر مثل الخزامى...
إي والله إن غيابها مكلف كلف...
إي والله ان عروق قلبي توامى...
رمش النواعس والحجاجين والزلف...
ياما خذن قبلي قلوب النشامى
أمضى من المصقول واسبق من الشلف...
سهم الهوى لوكنت عنه اتعامى...
لايخدعك صبري على الجرح ماخلف...
هالشعر غير جروح قلبي تدامى...
لي خاطر بينه وبين الشقا حلف...
ياما عثت فيه المقادير ياما
من عاش هالدنيا بلاصاحب وولف...
عز الله انه عاش عيشت يتامى...
خل السوالف والمشاريه والحلف...
مبطي وانا على الجروح اتسامى...
قلب يضيق بذكريات الهوى جلف...
وقلبي مثل جرد القفار يترامى...

الـــــــشــــاعر/مــتــــــــعـــــــــب الـــــــــتركي