والله وصرتي تستهينين فيني

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

لكن حكاية ينحني لك جبيني
في ذمتي ما ينحني لك وانا حيّ
عاشق السراب

صح السانك على هذه الدرر الثمينه سجل اعجابي وتحياتي

سلمت اخي عاشق السراب على نقل هذه الرائعه التي اعجبتني كثيراً, تقبل مروري

السلام عليكم ..

صح لسانك و لسان صاحب القصيده ..

قوااك ربي .. و نقل جميل و قصيدة أجمل ..

تقبل مروري .. ولك تحيااااااتي ..

مشكوووووور والله يعطيك الف عافيه المروور الجميل

سلمت اخي عاشق السراب على نقل هذه الرائعه التي اعجبتني كثيراً, تقبل مروري